【台北】阿峯的店：難食到喊嘅百元熱炒

19 October 2022, Wednesday

聽日就要飛返康港啦～😭😭😭

LUNCH同台灣朋友去咗食米芝蓮海鰻料理，食飽飽就趕返酒店執行李～

執完行李，近近地係酒店附近搵食……

見滯滯地，今次返到黎台灣都無食過百元熱炒，酒店背脊咁啱就有一間，試吓都好喎～

曾經有台灣朋友講過，無1間百元熱炒會難食……妖！！！邊個話無架，同我食咗隻碗去！！！

我想講，佢唔平架，邊有百元啫！！！

環境又唔係話好好，間間熱炒都咁上下，不過疫情期間都仲要搭枱就危險咗D～

服務係接近零，要行埋櫃位落單～飲品白飯自助就好多熱炒都係～

以上都唔係重點！！！

重點係……好L難食！！！

炒水蓮好難煮得難食，佢做到！！！

菜圃蛋好難煮得難食，佢做到！！！

客家小炒好難煮得難食，佢做到！！！

三杯中卷好難煮得難食，佢做到！！！

我地4碟野都係食咗1啖就放棄，史無前例！！！

（我地份人唔係咁折墮架咋，一諗到非洲D小朋友無野食要挨餓，我就會幾難食都好努力去食）

埋單千幾蚊台幣，有D肉赤～

仲有，去英國玩咗40日，再去台灣玩咗20日，我第1次覺得好驚自己會中COVID-19！！！

隔離枱十幾個大叔大嬸飲醉晒，大大大大大聲講野，口沫橫飛，仲不斷起身圍住張枱週圍行，我FEEL到D野囉～

後面枱後生仔女都係十幾人，但我見佢地食緊飯都戴晒口罩咁（放落口果秒先拉開口罩），我仲唔恐懼咩！！！

走都走唔切啦～～～

BAD ENDING IN TAIWAN TRIP～～～

味道：★☆☆☆☆

環境：★★☆☆☆

服務：★★☆☆☆

衛生：★★☆☆☆

抵食：★★★☆☆

阿峯的店（阿峯慢炒）

地址：台北市 士林區 後港街2號

電話：+886 2 2885-6473

網址：