21 August 2022, Sunday
我飛啦～～～😎😎😎
23個月無離開過香港，人都癲！！！
呢2年零8個月…
零Staycation…我唔想去到酒店幫人免費徹底消毒全間房咁戇居囉！！！辛苦過係屋企SOFA瞓覺覺豬～～～
日日過住吸塵拖地消毒洗菜煮飯洗碗嘅日子，仲要為聽日買唔到餸而擔驚受怕嘅日子，我要同佢講BYEBYE！！！（2個月咁多啦）
經歷咗幾個月嘅航班溶斷，入境酒店隔離日數由21日變14日再變7日，仲唔狗衝出去咩～
（準備出發之際，又變3日酒店+4日家居隔離，慳咗果4日嘅隔離酒店錢，夠我係台灣住十幾日酒店，希望出發後唔好再有變數啦）
今時今日，訂機票前，係要訂到隔離酒店先～
我地要苦等到6月尾先可以訂10月尾嘅隔離酒店，攞到Booking Confirmation先可以開始訂機票～
到可以Book機票嘅時候，撞啱8月暑假黃金檔期，1票難求，CX經濟客位來回LONDON要2萬幾港幣！！！仲要有錢都未必有位…咁我地平平地坐星航去新加坡轉機吧喇～～～
執行李執到傻，到最後階段執HAND CARRY藥包時發現2大包香口膠，先心慌慌醒起新加坡唔食得香口膠（雖然我只係過境唔會入境，但係網上真係搵唔到過境得唔得囉），掙扎咗好耐，忍痛掉落垃圾桶！希望起飛同降落時唔好EAR BLOCK啦～～～（好彩最後單靠藥物都無痛，係有幾下POP POP聲）
出發前5日都仲未執衫，好SCARY囉！！！
到咗星期三終於TASK COMPLETED！！！4個紅白藍袋承為49.97KG，好CRAZY！！！😂😂😂
行李太多，好驚機場車司機唔比上車，之後幾晚都失眠……
😎好期待星加坡機場5小時Food Court美食之旅～
我要食喇莎，肉骨茶，海南雞飯，班蘭蛋糕，咖央Toast！！！😋😋😋
連續7日雷雨，今日竟然藍天白雲，Lucky，證明我地唔係貴人（出門招風雨）！
機場車司機好好人，粒聲唔出幫我地塞爆個車尾箱～第1個大難題解決！（否則Honey要帶1件大行李搭Taxi去中環轉機鐵）
Check-in都好順利，雖然有1件手提超咗1.2kg……第1次去特大行李接收櫃位……
過海關都順利……
唯一無擔心過嘅機場貴賓室反而出事～唔怪得無人排隊！
「火羅」到核爆……
去到Airport Lounge，話舊年7月1日已經唔比Priority Pass入……
變咗Food Court某1間餐廳比1個Set Lunch你……
😑仲要係星加坡餐廳，海南雞飯提早咗食……
味道好好，食咗1半都飽到上心口～
上到機，見到座椅係皮嘅，感覺乾淨晒，正呀！
估唔到星航份飛機餐都幾靚仔，Pork Belly仲鹵得幾好味添～
頭先果陣都仲飽緊，每樣試2啖就算～
時間好快過，睇完套Gorilla vs Kong就差不多降落～
空少好貼心，餐後杯熱茶無耐就自動自覺幫我地換有蓋外賣紙杯，X泰真係執得～
太遲發現個USB Charger（見到牆上電視仔有But太遠），插咗一陣1%都無增加，放棄！（機程得返唔夠1小時，機師準備降落）
順利降落星加坡，機場免稅店區人滿為患，同香港機場落晒閘嘅情況相比，贏1000條街！
唔好講咩，仲有個免費Butterfly Garden比遊客參觀吓影吓相，又贏100條街！
仲要個Priority Pass係香港機場係零個Airport Lounge可以入，1個都無！！！星加坡機場係8個，係8個呀！！！
8個咁多，點揀呀！上網望一望……
比網民Fake咗，誤以為SATS係日本餐，點知得D咖喱飯麵……食物選擇超級少，唯一驚喜係自助Laksa區，好好味～
係Airport Lounge Hea足3粒鐘……叉吓電，人同電話都要！🤣🤣🤣
Boarding Time早起飛1小時……因為去到登記閘口又再安檢，唔比帶水，又要攞晒D電腦同Hand Cream 出黎照X光……
登機遲開始Queue Line指示又混亂，檢查Passport同Boarding Pass職員係好無禮貌咁喝我講Pizza Pizza (Repeat 10次)……原來係問我攞Visa，仲要我解釋比佢聽呢本Passport唔需要Visa進入英國仲可以逗留180日，佢又點頭哦哦哦……我心諗：我講你又信？唔比我講大話咩～😑
上到機(A380)有驚喜，坐係樓梯旁邊～同埋腳邊已有2支水～
坐Long Leg嘅缺點係……飛機升降無位放手袋，一定要放上行李架……成副身家（Passport，身份證，銀包）係晒入面，個袋又無密碼鎖，好唔安心～
Day 2
夜晚12點幾派餐……好飽，都照食2啖試吓味……baked fish腥腥味，調味好怪，綠色菜好難食，頭盤咬完都唔知係乜，膠味，完～
Honey個雞麵反而好少少，但講唔上好味～
連續戴咗口罩14個鐘頭以上，耳背開始痛～
😴💤💤💤
今程機瞓唔多到，胃酸倒流La住個喉嚨，不過都算坐得舒服～
有個女人由上機咳到落機，係咳到好大力甩心甩肺果隻……好驚……
好快就過咗10個鐘派早餐，早餐好豐富，而我只敢食牛角包＆焗豆，蛋食2啖就停，不竟都煮起咗十幾個鐘～
我地都算坐得前啦，落機快都無用，等行李等咗好耐，好彩開咗十幾個入境海關Counter，人龍大約10個8個左右，只係排咗幾分鐘……
入境時，海關妹妹乜都無問，淨係讚我個貓貓口罩可愛～🤣🤣🤣
沒有留言:
張貼留言