27 September 2021, Monday
疫情後都好似冇黎過赤柱……
匿喺屋企快將2年，頭頂都就快生磨菇……
而家全世界醫護都放風話要與病毒共存……OK，咁我坐監都坐到夠皮喇，趁今日天氣好出黎吹吹風食餐飯唔係唔得吖嘛～
以往都係去美利樓搵食，貪佢個海景最無敵，今年？不了……
赤柱要搵食原來唔容易，勉強搵到1間……勇敢D，衝出美利樓！
網上地圖見到黃屋暫時停業，仲以為佢執笠，原來維修緊～
唉……想去回味吓過去都唔得……上山頂又係咁，山頂餐廳又係話暫時停業維修緊～
羊生：我都要戴口罩，你唔係覺得你可以唔駛戴吓話，咩～～～
餐廳樓下係酒吧……
餐廳樓上都係酒吧……
好彩完全無我最討厭嘅果陣酒吧嘔吐物隔夜味……
睇睇個餐牌有乜野食先～
Honey叫咗SET LUNCH有餐湯，餐飲仲可以揀啤酒／紅酒／白酒，Honey即刻話好抵食～
Honey嘅鴨腿意大利飯好足料，飽到夜晚都仲飽緊……
唔食青口嘅Honey居然叫我叫個青口黎影吓相……😑（因為Honey好多海鮮都唔食，搞到我好多年都無得食海鮮）
好食到唔停得口，Honey話我好似食得好滋味咁～係架，我揀咗白酒牛油汁（Mariniere Sauce）真係好滋味，D青口又新鮮無怪味，口感都軟中有彈性唔會梅～
跟青口嘅沙律菜好新鮮，薯條香口外脆內綿，蒜蓉包先係亮點……Wonderful！
燈！燈！燈！燈！是日主角！超級好味呀，好開心呀！最驚喜係Mousse面嘅海鹽焦糖，好出位，味道層次昇華，仲有伴碟嘅糖脆花生，海鹽焦糖意大利雪糕，Perfect Match～
Order飲品時仲問職員邊款飲品NO Sugar，而家就大大啖食🐷古力Mousse甜品，精神分裂咩！🤭
好好味，景又靚，全場得幾枱窗口位客，好慘……
估唔到赤柱大街都有好餐廳，話晒遊客區，通常又貴又難食……
隔住個窗影架個景，算唔錯啦～
廁所好大……張枱好細……職員光速收碟……😅
食飽飽當然要散一陣步消化吓啦～
今日D相幾滿意，曾經比部三叔A狗搞到我無晒心雞影相，3個月前轉返S系之後，D相影出黎嘅質數好咗好多好多！
曬到眼都打唔開，睇唔到自己影乜，求其CLICK一下快門走都走唔切～
十室九拉閘嘅赤柱市集～
食完午餐，就緊係準備食晚餐啦，搭小巴走LU，拜拜～
味道：★★★★☆
環境：★★★★★
服務：★★★★☆
衛生：★★★★☆
抵食：★★★★☆
Pickled Pelican
地址：赤柱 赤柱大街90號地下及1樓
電話：+852 2813-4313
網址：www.cafedecogroup.com/outlet.php?oid=17
沒有留言:
張貼留言