19 September 2020, Saturday
〖Day 3 & 4 & 5 & 6〗
Day 3 攝氏12-21度
🌞晨早起床清新開朗，陽光溫暖帶來無限美～
廚神朋友今朝整薯皮早餐，Yummy！
食飽飽散步去間屋附近嘅Furzton Lake，好鬼靚！
行行吓行咗去Milton Keynes市中心食飯，行咗2個幾鐘頭，都有D腳仔軟。
朋友揀咗亞洲菜Banana Tree，裝修都幾靚，又突登整個打卡位比客人影相，有後生女慶祝生日個蛋糕仲插埋煙花。
餐牌要Scan QR Code…
出奇地樣樣都幾好味…
食飽飽就去咗Tesco Extra同Costco八卦吓，跟住返歸坐定定等食藍帶大廚煮嘅窩蛋免治牛飯，D飯焦金黃色碎卜卜好正。
繼續Jetlagged…未夠10點沖涼，瞓覺，失眠…
Day 4 攝氏12-21度
早餐有廚神雞粥。
之後出發去Bletchley Park（二戰期間英軍係呢度破解德軍密碼），可惜原來要上網預約先入得。
轉去附近Bletchley Town Center逛吓，廚神朋友終於係Palmers買到黃油雞，2隻承為9磅。返歸放低D餸先～
遲吓Bletchley會有火車向西直通牛律，向東直通劍橋，發展方面應該有好大潛力～
Lunch去市中心intu嘅Five Guys食Burger（香港都有分店）…
嘩，恐怖囉！！！
D店員全部都無戴口罩！！！(包括送餐果幾位)（但入商場就要求客人戴口罩，但唔見有職員把關）
雖然有大圓卡位，但都食得好不安，薯條未食完汽水未飲完就戴返個口罩先！
Burger一般，薯條好味。食完即閃。
飯後去Milton Keynes市中心附近嘅Willen Lake散吓步，勁勁勁多人，全部無戴口罩！好Scary呀！就算停車場入咗1粒鐘錢，未夠鐘都急急腳走人。
返歸煮飯，藍帶廚神主理，3餸1湯。
食飯前頂唔緊瞓咗個晏覺，今晚即刻好好瞓，10點幾瞓到第2朝8點幾，Jetlagged完。
小插曲：沖涼前發現睡房床邊有隻大蜘蛛，好彩餐前問咗屋主吸塵機點用。
Day 5 攝氏13-21度
藍帶廚神Freshly Handmade 蔥油餅，正！
Brunch完Hea陣……
英國傳出封城消息，好Worry，討論緊係咪要改機票盡早返香港。
是日重頭戲…陪朋友睇樓！
睇樓前先去Morrisons超市掃一轉貨，好平靜，大把貨。
上星期五LOCAL朋友幫忙約地產Agent，等到星期一先有Reply (好正常)，不過就無好似班YouTubers所講咁要睇咗銀行Statements（仲誇張到話要Certified True Copy）先有得睇樓。
阿Agent都幾妙，睇2間屋，1間就Under Offer仲話Close to Deal，另1間就話無鎖匙不過可以睇隔離果間相同間隔，但係隔離果間有師傅裝修緊D材料封晒條樓梯根本就上唔到樓上睇！😑
掛住拍片，原來1張相都無影，唯有用官網張相啦… (HOUSE TOUR稍後會UPLOAD去YOUTUBE)
睇完樓就返歸，享受藍帶廚神早一晚就煮定嘅炆牛尾。
又好早攰，可能仲未Jetlagged 完，10點幾沖完涼個頭都未乾就瞓，1點幾又醒。😥
Day 6 攝氏14-22度
What a sunny day!!!🌞🌞🌞
呢幾日好正，朝早洗衫即刻晾埋先出街，下晝返黎4點左右就乾晒收得。
藍帶廚神主理－火腿奄列牛角包！🥐🥐🥐
Hea陣又去Taipan飲茶，樓下已經坐滿香港人（我估😆），樓上幾枱又係香港人，坐到13:15先開始有其他膚色客人。
飲完茶又陪朋友去睇樓… (HOUSE TOUR稍後會UPLOAD去YOUTUBE)
等候期間發現間屋對面Bungalow係同一Agent放售，Agent好Nice，有成抽門匙係身又入得去睇喎，咁先係架嘛，專業！
Bungalow勁啱心水，只可惜D樹太大，唔Cut得如果病咗插埋去人地間屋嘅花園就手尾長。（大樹旁邊個籬笆已經45度傾斜）
之後柴娃娃睇多1次新居入伙嘅朋友住緊嘅小區，又貴又細，朋友年頭買就抵得多呀。
陪朋友睇樓期間送貨機械人係屋外面路過，好可愛呀～
晚餐有藍帶廚神主理嘅豉油雞，超級好味，太幸福啦～
今晚臨瞓拉吓筋 (係床上面，雖然無係地下咁好，都好過無啦)，總算中途只係醒過1次都可以瞓返到天光。
💣TO BE CONTINUED💥
沒有留言:
張貼留言