17 September 2020, Thursday
人生第1次踏足👑Queen Elizabeth II的國土～
27日嘅悠長假期，談不上喜悅，甚至有點悲傷，但總算解開咗多年黎嘅心結～
我地心口唔係有個勇字，實情係我地買完機票2日新聞先傳出英國疫情大爆發～💣💣💣💥💥💥
幾日後將面對突如其來的衝擊，假期被迫縮短為13日（稍後交代）～
〖Day 1 & 2〗
23:55起機～
雷暴…Luckily上車時只係落毛毛雨粉…
從未見過咁少人嘅機場！
入咗閘商店區大範圍地板天花都拆晒，路又封晒，盪失路好耐先搵得返個VIP Lounge，居然，史無前例地無人排隊。
原本想Take Away，原來佢哋都改咗唔係自助Buffet，每張檯面有個QR Code，Scan完網上落單，會有專人送到。
第1次坐維珍🚀～
上機過程都好順利，最開心係前排+左邊2排都無人坐（右邊係窗，後面係膠板），座椅係皮面，用消毒紙巾消完毒安全感大增！
第1次派飛機餐無要到，空姐好好人派咗支水比我…降落前1小時嘅早餐就食咗個熱辣辣嘅蕃茄芝士軟包。
出發前有做足準備…不過就無需要出動到…
成程去咗1次廁所，換咗1次口罩。防護衣最後都無著，只係戴咗Face Shield同防護帽。
雖然個座位已經好舒適，可惜12個鐘頭機瞓極都瞓唔著，慘！（Jetlagged 咗2日，之後2晚都瞓得3個鐘，勁辛苦）
之前朋友話7AM前得1個入境Counter，排咗個幾鐘……
我地一落機就急步行，結果……排第4！目測都有4個Counters開，超快就入咗境，等無耐行李就出齊，Great！一切來得太快，黎接我地嘅朋友有D失預算！（原來我地班機仲早咗廿幾分鐘降落）
悄悄話：我成世人第1次黎英國咋！
3個人7件行李塞爆咗架車就浩浩蕩蕩出發啦～（新居入伙嘅朋友已經係舊居等緊我地）
之後廿幾日我地3個就係呢間屋住～(HOUSE TOUR稍後會UPLOAD去YOUTUBE)
英國Coronavirus (COVID-19) 入境政策係必需Self-isolate 14 days，係Exempt countries and territories list入面有香港份，就可以免隔離通街走。
Settle Down咗D行李，開通埋2張giffgaff電話卡（出發前上網訂卡1日就寄到），就即刻衝去湖畔茶樓「金唐苑 Kam Tong Garden」飲茶…無開！係門口打理緊花草嘅職員話Too Dangerous（疫情）喎，只做Take Away！
轉戰Milton Keynes中央車站附近嘅茶樓「Taipan」，初時華人同白人嘅食客比例Half Half，坐坐吓就變咗99%華人，店員都講廣東話，真係好似去咗太古城翰騰閣咁。
食物味道都Okay架，屋邨酒樓質數囉，3個人食咗43磅，算幾抵，又有得免費泊車3個鐘，最出色嘅係山竹牛肉，堅啖啖牛肉味Texture都無乜粉。
食飽飽就去Ikea逛吓入返足D廚具，廚神今晚要親自下廚…
跟手去埋附近最大嘅華人超市「和興 Hoo Hing」…大就好大喇，但貨品種類唔多，後半Part似貨倉多D…
再去埋本地超市Morrisons買餸， Free Range蛋平到呢，HK$8.5有6隻大蛋，吉豬島6隻澳洲Free Range蛋賣成4十幾蚊港紙呀！
藍帶大廚出馬！朋友尋日先完成咗５日藍帶地獄課程…
香煎羊架伴薯蓉西蘭花，好幸福呀！😍（好驚驚，返到香港又唔知重幾多磅）
Jetlagged…10點未夠…好攰好攰…沖涼，瞓覺，失眠…😭😭😭 (結果Jetlagged到10月11日先正常返)
💣TO BE CONTINUED💥
沒有留言:
張貼留言