07:45 早餐，09:00 出發
🏃🏃🏃💨💨💨
自由活動時間4小時（午餐自己搞掂），準時13:00要返到酒店LOBBY攞行李上旅遊巴出發去機場。
（導遊改行程將燒烤自助餐&Outlet改咗尋日做，今日大家先有4小時自由活動時間，抵讚！）
導遊帶大家去到榮地下街入口，解散！
地下街入口係正電視塔旁邊，我地影埋船型地標「綠洲21購物中心」，Plan好咗行久屋大通公園去名古屋城，點個成個公園封咗進行工程。😑
虎出沒注意！
好彩開頭有得落地下街涼咗一小段冷氣～
行咗個幾鐘，終於去到名古屋城！！！又熱又曬，加上連續喪行咗幾日，無咗半條人命！
～～～名古屋城小檔案～～～
在東軍和西軍交戰的關原會戰中贏得勝利，並於之後創立了江戶幕府的將軍德川家康，於1610年，下令曾是敵軍的武士們開始建築名古屋城。
裝飾於屋頂正脊上兩端的鴟吻--金鯱，號稱歷史上建築面積最大的大天守，絢麗豪華的本丸御殿，寬闊的二之丸庭園等，名古屋城的建築無一不顯示了德川家的雄厚實力。
名古屋城的外圍還高築著城牆，令其具備要塞功能。
此後，歷經江戶時代(1603-1867)的260多年間，名古屋城作為尾張德川家的城堡，昌盛繁華不已。
配合當時的築城工程，歷經數年將清須城的大部分建築都搬遷到了名古屋，構成了現今的名古屋市街的雛型。
名古屋城，作為日本國內屈指可數的傳統城堡，被指定為國家特別史蹟，具有與國寶同等的價值。
每人比咗500Yen入場費，影2張相交差，就夠鐘走人！
高踞於天守閣屋脊兩端的鴟尾－金鯱，於1959年被復原。北側的雄金鯱高達2.621米，重達1272公斤。南側的雌金鯱高達2.579米，重達1215公斤。覆蓋全身的金色鱗片均使用了18K金。
手信店……秒衝入去……涼吓冷氣先～
作為直通城堡中的重鎮之地本丸的正門，格調高貴，只允許地位顯要的家臣由此進出。與天守閣一起重建於1959年。
位於本丸的西南角落，建於1612年。從外觀來看是一座二層建築,但實際內部建構為三層。
另外還具備滾落石頭的設施，用來抵禦外敵。
望樓是保護城樓不外敵侵襲的設施，除了用於望風和攻擊敵人之外，還具備武器庫的功能。
攝石虎～
大媽都要爭出鏡率～
BYE～～～Nagoya Castle～～～
天氣好影張相都靚Ｄ～（如果去上高地果日有咁好天咁你話幾好呢，同今日交換都無所謂）
名古屋城
地址：日本 愛知縣 名古屋市 中区本丸１−1 〒460-0031
電話：
網址：https://www.nagoyajo.city.nagoya.jp/
係名古屋城門口個橫丁，急急腳食埋個雞翼，LALA聲坐Taxi返酒店，1010Yen都Okay啦～
3年連續最高金賞受賞（手羽先部門）～
2015年日本油炸協會主辦的“KaraageGrandPrix®”日本醬油類別中獲得最高金賞受賞～
食咗5日團餐，一食自費即刻好似放監咁……嗯……好好味……嗯……嗯……嗯……好好味……（全餐嗯咗好多次😂😂😂）
味道：★★★★☆
環境：★★★☆☆
服務：★★★★☆
衛生：★★★★☆
抵食：★★★☆☆
鳥開総本家
地址：日本 愛知縣 名古屋市 中区三の丸１丁目２ 〒460-0001（金シャチ横丁 Yoshinao ZONE）
電話：+81 52-973-9011
網址：kinshachi-y.jp
食飽咗想再去Tokyu Hands睇手作仔都唔夠時間Lu～
早咗半個鐘返到酒店，換埋拖鞋，去埋Toilet，等到13:00人齊出發去機場～
到登機場，導遊話Flight Delay（16:10 > 17:20）～
Group Check-in順利過X光機，入閘前去搶購人人口中都話一定要買嘅名古屋名物蝦片，過海關時Honey再度被帶入房扣查，但2秒又放返出黎。
Priority Pass有3個Lounges揀，正！（你以為啦）
Star Alliance Lounge無乜人，好靜，正！（你以為啦）
但原來好少食物，熱盤得1盤睇完都唔想夾，其他食物冷冰冰，杯麵任攞，啤酒威士忌任飲～
甩繩馬騮Shopping大計失敗！！！2個新買嘅大喼回程時Check-in上磅每個都只係凡15-16KG, 唉！！！(浪費晒CX每人有30KG嘅QUOTA)
旅行期間，每日洗完手, 手指尖都輆澀澀（鞋十十）, 粗晒爆晒沙紙咁!!! 手提電話用指紋完全FAIL開唔到！！！
濕疹大規模爆發，大脾小腿腳板面戰雲密佈，連手都有爆多水泡，超勁痕，抓到損晒流晒血！！！
屈指一算……出發前2日食過鵝片……再往前推……之前2次大爆發都係食過鵝，OMG！！！（從今以後，嚴禁再食燒鵝）
(回港短短15日，香港發生咗好多事，好攰，心力交瘁，完全忘記咗「昇龍道」個BLOG，今日回一回氣，LALA聲HEA寫埋就算啦)
5日4夜行程：
出發前 : 出發鳥
Day 1 : 起飛鳥 Hong Kong ✈ Chubu Centrair, Nagoya 🚌 Hotel Associa Takayama Resort（晚餐＋住宿＋自助早餐）
Day 2 : 🚌 高山和風古典街 🚌 阿爾卑斯街道平湯（午餐）🚌 「神之故鄉」上高地散策 🚌 Alpico Plaza Hotel（晚餐＋住宿＋自助早餐）
Day 3 : 🚌 立山黑部阿爾卑斯 🚌 MITSUI OUTLET PARK 北陸小矢部（新增行程ｘ晚餐）🚌 the square hotel Kanazawa（住宿＋半自助早餐）
Day 4 : 🚌 金澤兼六園 🚌 白川鄉合掌村（午餐）🚌 MITSUI OUTLET PARK 爵士之夢長島 🚌 Viking すたみなバイキング知立店（晚餐）🚌 Dormy Inn PREMIUM Nagoya Sakae（住宿＋自助早餐）
Day 5 : 名古屋城（自費午餐）🚌 Chubu Centrair, Nagoya ✈ Hong Kong
沒有留言:
張貼留言