唔知邊個咁好雅興，居然提議去沙田龍華食乳鴿懷緬過去～（我懷疑可能係我🤣）
順便提早食埋團年飯啦！
原本已經要攀山涉水，千里迢迢先去到……
唉……仲要遇上幾小時前發生嘅嚴重交通意外所造成嘅大大大大大塞車！（係沙田第一城落車行路過去龍華應該快過轉車😑）
黐鬼線！過咗沙田第一城，轉個彎塞半粒鐘，落車過對面馬路，等巴士又半粒鐘，好唔容易塞到上車門，連落車鐘都㩒唔到，要拜託企係個落車鐘旁邊位男士幫我㩒。人上到巴士，但架車塞到唔識郁！坐咗2個站，又半粒鐘！
＊Google Map完全無顯示「紅色」，「黃色」都無囉，條路係「藍色」！（塞到咁都仲算暢通無阻？）
好唔容易落咗車，穿過禾輋邨，再過埋行人天橋，Google map開始亂指一通！！！（越行越唔對路，問咗２次當地人要行到正確嘅路）
2隻孔雀依舊在，可惜今次不開屏了～
坐到出露天位！！！多人到呢～
好，齊人開飯，飲杯！！！
主角……肥美乳鴿！！！啖啖肉，係ＹＵＭＭＹ嘅～
雪山臥虎藏飛龍……無人ＤＥＣＯＤＥ到係乜餸……ＨＥＡ寫，貼晒Ｄ餸出黎，各位ＢＬＯＧ自行分別喇～（唔使寫咩味架啦，下列都係ＳＯＳＯ，但份量係好足嘅，幾碟蔬菜就異常多油）
上菜算慢，食飽晒先上碟雞，我打包咗大半碟雞第２日唔使落街搵食～
要懷舊又點少得支裝忌廉～
等極個釀百花球都唔出現，都唔敢旨意Ｄ侍應，自己行出去收銀開吓，果然漏單！仲好，大家都飽到食唔落，順便埋埋張單，都唔敢經侍應手！（埋緊單時，侍應驚叫跑出來，同收銀講我地隔離枱無埋單唔見晒人）
埋單時收銀叔叔指示侍應上埋套餐甜品比我地～
聽講攞位時職員鬧大交，好似係埋怨客人數量分佈不均……我地全餐都唔敢對服務有咩要求喇，最後發現職員態度並不惡劣，又盡責，只係忙到甩轆啫～
臨走去一轉ＴＯＩＬＥＴ……嘩！！！每一格廁所地下都濕晒，D門鎖一係無咗個鎖，一係鎖唔到！！！
亮點：無洗手液！！！（ＡＴ ＬＥＡＳＴ當晚一定無，其餘３６４日就唔知喇）（咁Ｄ員工＆廚師去完大小點清潔雙手呢？）
怕咗塞車，回程坐火車轉ＭＴＲ～
同枱11個人有最少5個食完餐飯當晚好唔舒服，包括我同ＨＯＮＥＹ。（其餘６個只係無問唔代表無事）
食完5日特敏福都唔退燒，再食5日抗生素！！！
（結果我瞓咗8晚梳化）（醫生吩咐ＨＯＮＥＹ瞓梳化）
（食完呢餐之後發生太多事，根本無心情無時間寫ＢＬＯＧ，拖咗半個月先執返起個ＫＥＹＢＯＡＲＤ）
味道：★★★☆☆
環境：★★★☆☆
服務：★★★☆☆
衛生：★☆☆☆☆
抵食：★★★☆☆
龍華酒店 Lung Wah Hotel
地址：沙田 下禾輋村22號
電話：+851 2691-1828 / 2691-1594
網址：www.facebook.com/Amore.GelatoWaffle
沒有留言:
張貼留言