我家大姐幾十年都唔做運動，近日愛上行山變得不能自拔，無論地點有幾遠都跟去，睇怕佢遲早變專家～
我係台灣唱Ｋ被傳染感冒，理應要留家休息，但又受烏來阿姨所託，使命必達，一定要將份心意送到朋友手中，拚埋條命都唔可以放飛機！
所以我拜託朋友揀條純落山嘅路，以免猝死山上。（雖然我未坐過直昇機）
仲有，今日嘅重點，唔係行山，係飲茶！！！🤣🤣🤣
坐過多次51號巴士，都未試過中途落車去川龍飲茶，亦未試過行甲龍古道，多謝兒時好友帶路。
11:15am 荃灣地鐵站上蓋天橋巴士站
11:30am 彩龍茶樓 (川龍站落車)
勁多人，樓上樓下戶外都爆滿，好唔容易搵到位，點心都比人拎晒，無乜得選擇～
味道比預期中好，鯪魚球＆西洋菜簡直超晒班，鯪魚球唔腥又乾身，連我都食到，西洋菜鮮甜到出奇！好味！
反而第２轉唔知係咪已經食飽咗，點心又唔熱，即刻覺得麻麻地～
食飽再坐51號巴士，坐多2個站去到郊野公園站落車！
13:10 開始慢慢慢慢行
斜到呢～
石仔路又斜又容易ＣＬＩＣＫ親，有Ｄ驚驚～（耳水不平衡中）
山竹對香港嘅傷害非常之深，心好痛～
右邊斷樹，左邊山泥傾斜，差Ｄ「跣鑊金」，要認真Ｄ買過對行山鞋先得～
見到建築物，即係就行完喇～
又一段唔同特色嘅山路～
14:30pm 完成（咦？我地唔係行古道咩？典解變咗林徑？！）
食返個即叫即做薑汁撞奶先～風涼水冷，吹水好地方！
味道：★★★☆☆
環境：★★★☆☆
服務：★★★☆☆
衛生：★★★☆☆
抵食：★★★☆☆
農場鮮奶有限公司 Farm Milk Co. Ltd.
地址：元朗 石崗 甲龍村 雷公田78號
電話：+852 2832-9218
網址：farmmilk.com.hk
往外走，兒時回憶湧上心頭～（人去樓空，徒添傷感！）
Precious Moments！來個合照吧！
16:00pm 打道回府！（無車，最後要行落上村公園先有ＢＵＳ出元朗）
識食嘅大姐帶咗我地去元朗ＹＯＨＯ後面鳳群街一帶食乳鴿＆炒麵，ＹＵＭＭＹ！！！
兒時好友笑話今日INPUT大過OUTPUT，下次要行得甘Ｄ！（唔好啦啩，我痛咗幾日呀小腿舊肉）
甲龍古道郊遊徑資訊
http://hiking.gov.hk/chi/trail_list/country_trail/Kap_Lung_Country_Trail/introduction.htm
甲龍古道的起步點位於全香港位置最高的荃錦公路郊野公園巴士站，該路線沿大帽山西面山坡的一條山徑蜿蜒而行，是古時八鄉石崗一帶務農人士往來荃灣市集必經之路。古道初段與甲龍林徑重疊，部分 路段有兩條並排的石徑，由不同的方法修築及建於不同時代：其一由郊野公園管理當局於近十來年建造，另一是數十年以前由本地村民所建，稱為古道。
沿路會穿過大欖郊野公園的樹林區及數條小溪，其中數段路的坡度頗為陡峭，只宜穿著行山鞋的遊人步行。途經的多段小徑由石塊砌建，是前人就地取材精心築成，踏步其中，充分體驗當時務農人士的生活點滴。
古道兩旁林木參天，野生動物雀鳥蹤影隨處可見，是短途旅程的上佳之選。
沒有留言:
張貼留言