可能尋晚真係太攰， 今朝居然兩個都唔知醒， Honey約咗人十點喺永康街食早餐，十點幾先扎醒！
尋晚個洗衣機鬼殺咁嘈，搞到夜晚兩三點都未洗完，我哋夾硬停咗個乾衣先有覺好瞓，咁今朝唯有我留喺酒店繼續乾衣。
個洗衣機最後六分鐘左一個鐘，好彩冇信佢。
結果呆等到一點先有早餐食……
Google map不斷老點我去幾公里以外食早餐，唔信佢，不斷重複又重複咁搜尋，結果搵到Service apartment後面行三分鐘嘅咖啡店。
誤打誤撞搵到好地方！
餐廳裏面只有數個客人，播住輕鬆嘅音樂，好寧靜，環境悠閒舒適。
雖然主食方面只有意大利軟包，剛好係我鍾意食嘅嘢。
落單時店員問我食唔食甜品，忍唔住又叫埋，女人對住甜品真係有無限個胃，哈哈哈！
嘩，個意大利軟包咁巨型嘅！弊，仲叫咗甜品添。（最後都食得晒🤣）
Tonic water味道帶酸，混和苦中帶甘嘅日本抹茶之後，味道好特別，值得一試。
剛開始食意大利軟包嘅時候，味道偏淡，飲一啖抹茶Tonic water，再咬一啖意大利軟包，味道就出嚟喇～
學人影文青相。。。（唔係果隻料就唔係果隻料，扮唔黎，完全影唔出文青ＦＵ）
餐廳擺盤好講究，連甜品嘅匙羹都好靚，蘋果金寶底部嘅糖煮蘋果仍然係暖暖嘅，雲呢拿雪糕味道都唔錯，整體好match。
見到隔離枱杯咖啡粒冰又大又圓，成粒雞蛋咁大，好想帶Honey嚟試下。
一路食一路急不及待推薦畀龍媽＆力仔。
慢活1小時，身心靈得到充分嘅解放。
推薦！
（晚上係台灣朋友家中作客，今日全日嘅行程就只有呢一餐🤣）
味道：★★★★☆
環境：★★★★☆
服務：★★★★☆
衛生：★★★★☆
抵食：★★★☆☆
COFFEE FLAIR
地址：台北市 中山區 雙城街13巷11-1號1樓
電話：+886 2 2598-3707
網址：https://cashier.ecpay.com.tw/store/coffeeflair
🚕🚕🚕💨💨💨
上朋友屋企前，去天母新光三越買個日本蜜瓜做回禮，見到令人懷念嘅黑木耳露，即買！尋晚食完燒肉，好需要佢幫手排毒！
尋日一落機就用台灣手機上網落Order訂CATiSS貓掌護唇膏，今晚就送到７仔，快到Ｏ咀～之前係WTO姐妹會睇到，太可愛，買定比力仔＆黃毛仔做聖誕禮物！（太貴，唔捨得買比自己用）
Honey好神勇地出發前幫我上博客來訂定曾拌麵，11月11日落單仲有11% Discount，抵到呢！！！
話咁快……就打爆咗1個Hand Carry喼……
沒有留言:
張貼留言