成個上晝都喺度煲劇，一口氣睇咗五集女王偵訊室。
龍媽Flight Delay，搞到下晝兩點幾先到，我唯有食住柿餅等佢啦。
到埗搞掂Check-in之後，立馬坐捷運去淡水老街掃街。
原本諗住去紅毛城對落靚靚海景餐廳飲下午茶，但係大家話掃完街都飽飽哋，又要留肚食女娘的店，所以取消下午茶環節，求其飲杯水果茶就算啦～（中間有入過抹茶雪糕店，居然抹茶雪糕賣曬，咁緊係轉身走人啦）
回程時一剎那出現鹹蛋黃，好彩有把握機會影合照，行到去捷運站已經滿天烏雲。
星期日淡水捷運站爆多人囉！
石牌站轉Taxi又遇到狂噪阿伯司機，講完地址，佢不停問咩黎，講埋女娘的店、餐廳，佢根本唔聽入耳，繼續無限LOOP咩黎唔知你講咩，我都唔想理佢，咪同你講咗地址囉，你聽唔明咩！切磋咗一輪，佢自己無啦啦講女娘的店，喂，我頭先一早講咗無限次啦～
That's why我地係台灣多數都係坐Uber！Ｄ退休阿伯真係好惡搞！
估唔到坐完地鐵再坐的士，塞塞地車嘅情況下，只係遲咗少少到女娘的店。
幾款令人懷念嘅必吃小菜，當然要眼闊肚窄咁柯打啦～
今晚有Live演唱，聽老闆娘講，演唱者係江蕙的老師。
我哋3個人有好努力咁清曬碟㗎，係食淨少少東波肉啫。
離開時係新光三越坐的士去家樂福買少少嘢，埋單時，張單長度嚇死人，要直接Pack埋紙箱寄倉！🤣🤣🤣
原本計劃坐捷運返民權西路站，結果要打的，✋🏻🚕Taxi！
原本計劃放低戰利品再去行夜市，結果……good night！
沒有留言:
張貼留言