是日行程：坐飛機！魔戒遠征隊，出發！
瘋狂嘅魔戒（The Lord of the Rings）迷，一早做足功課，One Ring to rule them all... 仲有Lothlórien精靈女王Galadriel送比魔戒遠征隊嘅精靈斗篷上嘅披風葉扣（Elven Cloak Leaf Clasp）（斗篷欠奉，買唔到啱色啱款，點知返到來寫Blog就發現eBay大把，臨近Halloween ）
下午6點機，理應落街食個靚Lunch先返Home攞行李出發……但適逢星期六，外面人山人海，都係咪搞喇，尋晚返歸前買定2個飯糰叮黎頂吓肚。
2個月前Book咗Limousine，用簽帳優惠價，等到出發前45鐘都無人聯絡過我地，好恐怖！打電話去Hotline就話30分鐘前會Send司機資料……結果都係無車牌，最後10分鐘司機都唔打黎，唯有自己打去問，原來已經到咗樓下……（驚）（全團得我地2個有帶手提喼，仲驚）
完全唔塞車，比集合時間早咗半個鐘，好彩導遊已經到咗，寄完行李照舊去Lounge食碗魚蛋河。
導遊話全團17人，已經有團友話肚痾要去睇醫生，最後唔知會剩返幾多個團友。。。
導遊有提起話呢班機係「夾機」好爆，勢估唔到上到機已經無晒位擺手提行李，有幾個門閂埋門好可疑，打開一睇，得D袋仔，唔理，塞咗一件大喼先。另一件要搵到去機尾先有位，又係閂埋門得2袋袋仔響入面，攤開晒黎放，我地無晒辦法都要放個喼上去。（真心唔知排後面D人點擺行李）（我今次罕有地問個職員Hand Carry喼可唔可以寄倉，職員拒絕，話要計件數，1 個人只可寄1件行李，平時國泰係主動要求）
《起飛前小插曲》
前往離境安檢途中，見到有個小朋友跟住1個男人行咗好耐，不斷又跳又叫猛話：我要媽媽！
個男人完全唔望佢，之後仲走咗去。。。（我初時以為係小朋友爸爸）
個小朋友轉身見到我，就想喊想喊咁同我講：我要爸爸媽媽！
我望吓週圍，最近嘅工作人員就係海關，就同小朋友講：唔洗驚，我地搵叔叔佢地幫手！（指住特別通道幾位海關）
個小朋友主動拖住我隻手，我行埋去特別通道同海關講：個小朋友好似唔見咗爸爸媽媽。。。海關就教我帶佢去旁邊報失中心。。。（原來係警局，就係正海關入口旁邊，比Ｄ板檔住視線）
警察問話一輪，正要攞我身份證出黎開ＦＩＬＥ落案之際，小朋友阿爸阿媽趕到黎。。。
阿媽抱住阿仔，兩行眼淚不停流出黎。。。
我仲要拍小朋友阿媽背叫佢：唔洗喊，無事啦！（小朋友爸爸企係太太身後咩都無做，可能都嚇到傻咗）
咁我話我走先，阿爸爸有話唔該晒，阿媽媽仲係2行眼淚不斷咇出來。。。
（爸爸好可疑，唔敢掂媽媽＆阿仔，又唔敢講野，齋企後面……應該係佢整唔見阿仔🙄）
離開警局前，ＨＯＮＥＹ好驚訝話個小朋友死「ＷＨＥＲＥ」住我唔放，係警局仲伸高2隻手想我抱。。。（我唔敢抱，驚人懷疑我拐帶😅）
我離開咗警局自己都想ＣＲＹ，諗起阿媽媽果2行眼淚！😭
🚀🚀🚀🚀🚀🚀🚀🚀
第一次坐紐西蘭航空，感覺良好。（座位寬敞舒適，飛機餐味道唔太差，職員都高大友善）
睇咗Solo: A Star Wars Story，再睇埋Beauty and the Beast，想瞓又瞓唔著，再煲埋魔戒第一二集（雖然我睇過超過30次）溫習溫習。
飛機上有WIFI，貴是常識吧～
咁就夠鐘落機……機程10個鐘鬆D，好耐無坐長途機，都少少辛苦。
落機要面對另一挑戰……食品葯品入境！原來同澳洲唔同，呢度分3條隊：－
1）綠色：國民，無野申報
2）黃色：國民，有野申報
3）紅色：非國民，話之你有無野申報
👻最後我係無帶月餅嘅，因為好難搵到無蛋黃之餘仲要無ＮＵＴＳ／ＳＥＥＤ👻
過X光機前，有職員問我帶咗咩食物，有無Fresh Food，我Show比佢睇佢又話唔洗攞出黎，叫我Show比後面X光機職員睇。
我Show比X光機職員睇佢又唔理我，叫我放晒入X光機。
過X光機時我D 托盤停咗好耐，有個男海關唔知係咪想Charge我，我聽到個女海關話我有Tick Food呀！之後，X光機條帶又郁返……
搞掂？No！仲有2關要過……
職員帶住狗狗話要聞我D旅行喼，阿狗狗聞我果陣幾乎零距離，好彩我無驚到暈低咗啫……
最後一關，要Show帶咗咩藥物……我一早搵家庭醫生寫定信，話我乜樹乜樹，要帶一大堆平安藥係身，Finally，順利過關。
雖然一早上網調查好晒，不過都仲係緊張到飆晒汗。
好，上旅遊巴！3個半鐘頭車程，直抵哈比人村！（由於聽日落雨，導遊好勁地調動咗行程，影出黎D相靚到爆）（旅行遇到好導遊好過中六合彩）
中途站River Haven Cafe比大家去一去廁所。。。
河嘅對面係Huntly Power Station，發電廠附近環境都靚到咁？！
🚌🚌🚌 Hobbiton!!! Hobbiton!!! Hobbiton!!!
⛅出發前一直睇實Auckland天氣，原來無意義！要睇Rotorua至真🌂
尋日特登去飲返餐茶先，臨近中秋，酒樓爆到七彩，好彩潮庭仲有位。。。
柑桔雞仔酥用雀籠上，勁浮誇！！！
隔離枱埋咗單準備走，都忍唔住問我：可唔可以影張相？比老婆睇🤣
見佢咁24孝，即刻搬個靚位比佢影😎
隻爛腳。。。開始收水，希望佢去到紐西蘭唔好再搞大。。。
紐西蘭入境咁麻煩>_<多謝報料，帶藥最好要有醫生紙証明，才可順利入境﹗
回覆刪除如果係萬X屈XX買平安藥的話,最好係原封包裝無開過,一定要有英文成份!
刪除牛奶,雞蛋,生果,種子,泥土:一定唔帶得,無申報捉到聽聞罰幾重~