有台灣美女ss襲港，作為土生土長香梘人，當然要飛身撲出搶住揸導遊支旗仔……
話之佢連日大雨兼雷暴吖，我地香梘人嚇大嘅！
尋日好榮幸可以為2位台灣美女做「昔日港島區」的響導，見到大家滿意嘅笑容，我就放心晒囉～
#推車仔點心
#鐵皮屋奶茶
#港督蛋撻
#公利真料竹蔗水
#鐵皮屋檸檬王
#低調高手大街小食夾餅雞蛋仔
#飛機燒鵝
今日交捧比深水埗區領隊，帶我地去「掃街」！
「掃街」前，佢地約咗個好朋友午餐。。。
午餐前，臨時加插咗花園街雀仔街金魚街環節，多謝珍珠奶茶老闆娘出手相助，頂咗朝早個更，我先可以瞓晏Ｄ。。。（辛勞咗１日，腳趾大水泡形成中）
喔。。。原來ＬＵＮＣＨ黎Ｄ２ ＰＬＡＣＥ食。。。我熟路喎！（自從擺過攤檔，對呢個商場好有親切感，當咗自己地頭一樣）
地下呢間好靚嘅餐廳原來係西班牙菜。。。
午餐都好貴吓喎，依然座無虛席！香港人，你係得嘅！
ＦＵＬＬ ＳＥＴ只係貴２０蚊，就多咗頭盤＋甜品＋飲品，無可能唔加吓嘛！
車厘子凍湯
—未見過，好奇心驅使下，當然要試吓。。。味道同蕃茄凍湯唔差得遠，係無咁酸囉～
鱈魚薄片刺身配吞拿魚腩，銀魚柳
—朋友嘅頭盤，賣相殺屎人～
主菜大家ＳＨＡＲＥ食～
西班牙海鮮飯
—蜆肉細粒但新鮮，飯底勁濕，海洋味濃～
香煎吞拿魚扒
—陳生，你貴姓呀？成塊豬扒咁，我地以為係黑毛豬肩，但職員竟然話佢係吞拿魚？！魚味豬扒大家試過未？嘩哈哈哈！
墨汁西班牙八爪魚意大利粉
—呢個好食！
香煎西班牙黑毛豬肩
—職員放底強調７成熟！！！喂，豬喎！！！大家都淆底，要求加工至全熟。。。結果。。。走蜜汁嘅叉燒咁囉～(我知我地嘥料，ＳＯＲＲＹ）
自細最憎椰子味嘅我，又覺得呢件ＣＡＫＥ唔錯喎，起碼好快食晒，唔使稟神。
台灣朋友嘅香港朋友要趕住返公司，走先。原來佢悄悄埋咗單，仲唔肯收返錢。。。呢餐咁貴，第一次見面，我都唔係幾好意思，唯有下次有機會再見時請返佢啦～
傾盆大雨超過一星期，今朝出門口居然出太陽！而家又倒水，深水埗「掃街」行動無奈取消！行陣手作仔就陪朋友返酒店拎行李，坐ＴＡＸＩ去九龍站寄完行李，坐低飲杯野再傾多陣就解散！
２位美女，１１月台灣見喇～
唉。。。食完飛機燒鵝再次失眠＋生大水泡，Ｄ燒鵝好狠毒呀！！！我同自己講，以後都唔可以再食鵝！！！
味道：★★★★☆
環境：★★★★☆
服務：★★★★☆
衛生：★★★★☆
抵食：★★★☆☆
Rustico
地址：荔枝角 長義街9號D2 PLACE一期地下G01舖
電話：+852 2743-4511
網址：www.rustico.com.hk
沒有留言:
張貼留言