中秋DIY酥皮奶皇月餅 @ I 💝 CAKE studio

7 September 2018, Friday

每逢中秋倍整餅～

（嘩！好詞好詞！２次創作萬歲）

多謝貓兄，帶我去外面嘅世界走走看，見識見識～

烹飪教室門口簡單得黎又幾有心思。。。


好鐘意佢門外果度雕花鐵閘，經典中嘅經典！


教室整齊企理，散發陣陣少女心。。。


最驚嘆係有掛衣架，非常貼心！


台灣苗栗縣三義鄉買嘅客家圍裙第一次登場，著咗上身勁似賣月餅Ｄ阿嬸，哈哈哈哈！！！


老師示範。。。（大家專心聽呀）


馳名地獄廚神開波！


我搓！我搓！我搓搓搓！


嘩））））））））ＭＩＮＩＯＮ呀））））））））


我包！我包！我包包包！


我壓！我壓！我壓壓壓！


經過一輪混戰，９位入選佳麗第一次出黎同大家打聲招呼，隨即進入下一場生死淘汰賽！！！


入爐期間嘅空檔，老師爭取時間示範炒奶皇～（好香喔）


焗好就掃Ｄ蛋漿響面～（金黃色，金黃色）


９位佳麗居然無人爆破出局，皆大歡喜收場！（前：ＭＥ，後：貓兄）


攤凍咗就可以入盒！（在下包裝女工是也）


老師仲準備埋花花心意卡比大家送禮用，太５星級喇啩！！！


靚靚！！！



走果陣，路過一間叫維亞軒嘅餐廳，都幾難食。。。（無ＭＯＯＤ到唔想嘥時間去寫呢篇食評ＢＬＯＧ）

到咗第２日。。。

靚靚陽光＋８星伴月造型。。。ＷＯＷ。。。靚到震呀！


睇下，皮薄餡靚架！配紅茶食，居然個口變咗奶茶味，好味到暈！厭食嘅ＨＯＮＥＹ即刻話要扣起幾個自用，唔可以全部送晒比人，有無咁好味呀？！


整月餅嘅代價。。。隻腳又谷咗一泡水。。。


上堂上得太開心喇，希望下次仲有機會再黎～💝💖💗