紐西蘭「哈比人回鄉」2018の出發鳥

17 September 2018, Monday

ＯＭＧ！我地已經４年無去過外國旅行喇！（曲）

擺脫咗超級黑氣石嘅陰霾，我地要振翅高飛，傲翔萬里！(從皇后鎮飛往香港的航程總計9327公里)

向世界出發２.０！！！

端午節無食糭，中秋返家鄉Hobbiton做節要食月餅！（未知最後月餅能否順利入境）

«出發前»

人生第一次想佢唔成團。。。（明明一早已ＢＯＯＫ好ＬＩＭＯＵＳＩＮＥ，又唱埋紐紙）

攝氏零下負１度呀，又落雨又成，希望２星期後會暖返Ｄ啦～


未知幾時開茶會時，勁想唔成團，轉去京都睇紅葉算啦～（勁怕凍）（勁唔鍾意帶厚衫）



２２號出發，４號通知１３號開茶會，時間上都ＯＫ啦～（有充足時間做準備，唔會太「朋能」）

上次跟KUONI係去尖沙咀Hotel Panorama 38樓AVA嘆High Tea，今次只係去銅鑼灣分店，無晒心機～



今次縮皮到，連旅行袋都唔派。（都好嘅，我屋企有勁多）

今次派咗肚腩袋＆２個大小拉鍊袋。（呢Ｄ我屋企都有喇）（不過對於未有嘅團員，係幾唔錯）


職員強調要用佢地派嘅行李帶，唔可以用第２間旅行社。（喂，你地條帶無密碼鎖，人地有，我緊係用人地架啦）

職員話冰川要落車行入去...都係去買定對防水鞋好D...


５號因為１星期前招待台灣美女食燒鵝，隻左腳又出超大水泡，又要去睇醫生喇！希望出發時可以好返晒啦～（順便叫醫生開埋平安藥寫埋醫生紙，到時過海關行紅色通道就無有怕）


醫生劏開個水泡果一刻好似好興奮～（幻覺嚟嘅啫 嚇我唔倒嘅）（希望快Ｄ好返啦個傷口）


紐幣方面，正處於２年黎最低位～（ＧＯＯＤ　ＧＯＯＤ）（可惜未唱完就升返晒）


有錢都未夠，現代人去旅行，仲要有ＤＡＴＡ上網隨時ＵＰＬＯＡＤ靚相😂


紐西蘭同澳洲一樣，食物入境好麻煩。。。但每日車程咁鬼耐，唔賣定Ｄ話梅真係驚會嘔到矇～而家香港地租金貴，想話搵包話梅酸薑都好鬼難，最出名果間居然無英文包裝，好轉折地試吓去ＴＡＳＴＥ就比我搵到九製陳皮，好過無囉～


要開始執行李喇，呢２日都掛住煲超強颱風山竹（Typhoon Mangkhut）（250 km/h）嘅新聞，都無走去執行李。。。（其實尋晚真係勁驚爆玻璃）（今日落街見到好多大樹斷裂，好心痛）

唔知係咪緊張得滯，加埋尋晚颱風餐食唔飽，今朝排隊飲茶果陣，居然休克，已經好耐無試過～

好，比Ｄ念力！！！SAFE TRIP～NICE TRIP～唔好凍親～唔好嘔～唔好暈～唔好胃炎～唔好爛腳～