露台餐廳 The Verandah：傾城之戀Sunday Brunch

12 August 2018, Sunday

淺水灣酒店露台餐廳嘅Sunday Brunch堅正，但堅貴，所以。。。就算幾咁回味都好，我地都等足６年先再翻單～

大家可以去舊ＢＬＯＧ重溫吓，我以前係幾咁認真寫ＢＬＯＧ，哈哈！不過Ｄ相死晒ＬＩＮＫ。。。（ＧＯＯＧＬＥ放棄ＰＩＣＡＳＡ之禍，完全唔理ＵＳＥＲＳ死活，嘔血！）
http://www.kenmerry.com/2012/08/verandah.html

條樓梯睇幾多年都係一樣咁靚～


我地１１點正行上去餐廳門口，有２男２女同我地一齊到達，聽到個男仔話：又要著得靚，又要唔好咁靚，真係好有難度！
😂😂😂堅好笑，中晒我心入面個ＰＯＩＮＴ，原本想著連身裙，又好似太濃重，變咗鄉下仔出城咁，所以最後都係靚靚Ｔ＋牛仔ＬＥＧＧＩＮＧＳ算啦～

條走廊睇幾多年都係一樣咁靚～（上次我提早２個月ＢＯＯＫ，坐全海景窗邊）


今次２星期前先興起打電話ＢＯＯＫ位，出奇地竟然都仲有位，但就坐到出ＢＵＦＦＥＴ枱！（大家唔好錯重點，呢張相嘅亮點係左上角，我地坐嘅枱，唔係ＢＵＦＦＥＴ枱上嘅食物呀😝）


即開生蠔，不斷ＲＥＦＩＬＬ長腳蟹。。。


現切Iberico豬。。。


甜品枱嘅盡頭仲有即制Soufflé同４隻雪Sorbet。。。


即制Steak tartare。。。（唔敢試，個胃唔好）


仲有魚生枱，係擺海膽＆原粒大帶子。。。仲有沙律枱，即煮意粉，麵包餐湯果Ｄ。。。

ＬＩＶＥ　ＢＡＮＤ。。。


揀埋個ＭＡＩＮ　ＣＯＵＲＳＥＳ先。。。


開動囉～（個胃唔好，唔食得生蠔，唯有靠Alaskan king crab回本！食長腳蟹食飽，好奢侈）


青口好細粒好多沙，刺身唔多敢食，只試了八爪魚。。。（好有衝動想試大大粒帶子刺身）


即煎鵝肝早去唔使等，輕鬆食咗２轉，呵呵～４色魚肉小碟都好好味，特別係八爪魚，肉質好柔韌，襯底嘅菠蘿粒好清新～


伊比利豬風乾火腿超好味，好油潤，食多幾片都值回票價～（唔試ＣＯＬＤ　ＣＵＴ啦，個胃無位）
芝士超ＣＲＥＡＭＹ～


再食埋另一款ＨＡＭ，都係超好味～好幸福呀！
比我發現沙律區有烤帶子，但已比人夾晒，得返１粒！好鬼彈牙，好正！
露筍咁粗壯都超嫩口無渣，肯定係用靚野～


食到呢度，都飽到上心口啦～

主菜出場！

Pan-seared Barramundi fillet


Pan-roasted guinea fowl supreme


簡單Ｄ講，就係魚＆雞😝，ＨＯＮＥＹ同我一致認為，可以唔食ＭＡＩＮ　ＣＯＵＲＳＥＳ，齋食出面ＢＵＦＦＥＴ枱嘅頭盤＆甜品已經足夠！

講係咁講，都要清碟嘅！非洲Ｄ小朋友無得食好慘架～大家要珍惜食物呀！

食完開始轉戰甜品～

第一ＲＯＵＮＤ好好彩，一出去就拎到神話梳乎厘！薄薄嘅面層脆卜卜，入面食落一陣風咁！芒果布甸超香濃！ＣＲＥＡＭ　ＢＲＵＬＥＥ落咗薑汁簡直係昇華，香港ＳＴＹＬＥ萬歲！


ＨＯＮＥＹ都即刻飛身撲出，成功回航！個綠茶紅豆蛋糕好味到離譜，綠茶味＆紅豆味強烈又獨立又夾得埋又唔甜，絕！


就係呢個時候，為特別慶祝而準備嘅朱古力牌上場囉～ＬＩＶＥ　ＢＡＮＤ同時配合演奏！（酒店ＲＥ—ＣＯＮＦＩＲＭ　ＢＯＯＫＩＮＧ時會問）


ＭＡＣＡＲＯＯＮ係ＢＵＦＦＥＴ枱係無架，其他客人路過都虎視眈眈～（地球好危險）

飽都嘔都要黎多一ＲＯＵＮＤ梳乎厘！不過出咗去幾次都唔成功～拎住個碟，無手舀雪糕，職員好好人主動幫我舀，我話少少夠啦，職員仲笑話夠食咩，我回佢：試吓味先啦，樣樣都好味食唔到咁多呀，哈哈～


ＨＯＮＥＹ那來的大胃口，等第２　ＲＯＵＮＤ梳乎厘期間，再黎多１客即制ＰＡＮＣＡＫＥ！


白走咗幾趟，終於等到啦～１人１杯，唔使爭！



貴係貴Ｄ，係食物全部都好味，質數奇高，客人又有禮貌，全程唔使搶，職員又好笑容又貼心服務，好到震嘅環境呢Ｄ唔使多講，我一有機會一定會再黎！

勢估唔到，埋單居然有８５折！！！又咁啱我申請咗ＨＳＢＣ　ＶＩＳＡ　ＳＩＧＮＡＴＵＥＲ卡，碌緊迎新ＱＵＯＴＡ，經理攞張單黎時話有ＤＩＳＣＯＵＮＴ，Ｏ晒咀！

滿心歡喜地離開！

食緊ＢＲＵＮＣＨ果陣落鬼咁大雨，好彩去果陣同走果陣有停一停雨，咁ＬＵＣＫＹ緊係要玩吓自拍留個紀念啦～



活在過去嘅人，係要去返過去嘅地方先生存到，先會快樂。。。

美好心情即將被「宇宙小強」破壞！

《無乜事》
一行返出黎現實世界，都未行去對面馬路，即係聽到外語。。。（頭先餐廳入面得廣東話＆英文架咋）

《小事》
去到ＣＷＢ落雨啦，慢移去ＭＴＲ入口期間，Ｄ「宇宙小強」Ｄ遮亂批人地個頭，我只係擰個頭去望一眼，「宇宙小強」發狂開火惡人先告狀！

我匿係香港最後一座堡壘匿得太耐，好小遇到呢Ｄ事情，難怪身邊親友每次提起「宇宙小強
」都無明火起！

香港人係遇強越強嘅，我本身就暗藏霸氣，無得輸！

只係佢地罵人係無ＰＯＩＮＴ無理據，只識講「黐線」「一把年紀」呢Ｄ咁低級小三先會講嘅詞彙，無資格同我過招囉～

第３招仲鸚鵡上身，原汁原味ＣＯＰＹ我講嘅野，我都不屑同呢種人對話！剛好移到ＭＴＲ入口，轉身走！

《大事》
早２日仲有超級黑氣石嘅發功，我真係想搬去荒島住，難怪不少台灣人都話「其實動物又有咩好怕吖，人先係最可怕」！

宇宙小強同超級黑氣石比，係小學生同博士級，無得ＦＩＧＨＴ！香港人都唔一定係好人！





佛曰：放下、自在。

多麼深奧又難達到的境界！

惡靈退散！！！（火野麗ＭＯＤＥ）

ＮＥＷ　ＺＥＡＬＡＮＤ，Ｉ＇Ｍ　ＣＯＭＩＮＧ！！！（做人要開心Ｄ、開心Ｄ）