尋日去淡水無極天元宮欣賞完１００％櫻花盛開盛況，以為行程就咁就完滿完結，疊埋心水執行李聽日返香港。。。點知。。。世事未能盡如人意。。。估唔到。。。仲有更加精彩嘅旅程等緊我地！！！
ＨＯＮＥＹ今朝約咗朋友飲ＣＯＦＦＥＥ。。。去返上次唔比影相的Coffee Sweet 自家烘焙咖啡館。。。今次有職人引路，推薦坊間罕見之咖啡豆，加埋老闆親自虹吸烘煮，再加埋職人講解，咖啡味道果然不同凡響。。。
離開咖啡店時，朋友話聽日約咗茶師品茶，仲帶我地入去轉角雜貨店嘅閣樓參觀，嘩，好靚呀！！！朋友問我地聽日有無興趣ＪＯＩＮ。。。我：好呀！！！好呀！！！（喂！阿姐！你聽日要搭飛機架！有得食玩就咩都唔理！）
ＯＫ，明天的事明天先算。。。
食咗眼前餐ＬＵＮＣＨ先啦～
再轉多個街角，大把日本餐廳。。。未開！！！得呢間有得食，價錢尚可付得起。。。入去啦～唔好諗咁多喇～
１點正，８成滿。。。
店內主打烏冬，味道不過不失，價錢不便宜，烏冬ＮＴ＄３５０，加２個小菜ＮＴ＄１１０。。。
有見及此，我叫返個平Ｄ嘅，ＮＴ＄２００～
午餐後冒住大雷雨前往西門町，購買日本日清珠寶黏土師資證書課程材料包。。。（我的第１位學生尋日過咗數啦終於）
想係台北食埋晚餐先返歸，心血來潮係紅樓飲杯下午茶坐陣等夠鐘。。。
之後去咗台北車站ＳＴＡＴＩＯＮ ＨＡＬＬ大戶屋食晚餐。。。見有新野，無諗清楚就ＯＲＤＥＲ，結果。。。腥到嘔！！！好彩舊魚咁細舊，好辛苦先挨得晒。。。
回程時，係桃機捷Ａ１站ＣＨＥＣＫ吓個行李寄存點用。。。用把遮度埋長闊高，返去度吓個行李喼係咪真係放得落。。。好萬無一失咁話啦？！錯！錯晒！聽朝一早黎到，居然ＦＵＬＬ晒！！！係ＦＵＬＬ ＨＯＵＳＥ！！！
點解唔Ａ１站市區寄行李ＣＨＥＣＫ—ＩＮ？！
你估我唔想？！
我地走埋去ＣＨＥＣＫ—ＩＮ ＣＯＵＮＴＥＲ探路架啦，好彩睇一睇咋，原來得台灣４間本土航空公司可以係Ａ１站寄行李架咋！！！
唔想拖喼去食鰻魚飯再拖喼去飲日本茶咁辛苦，最好就係將行李箱寄存係Ａ１站架啦～
食咩鰻魚飯呀？！又食？！（係呀，朋友未食過台北４大鰻魚飯之首，當然要帶佢去試吓啦）（又有藉口比我肥死，臨上機都唔放過任何機會）
味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★★☆☆
麵匠坐坊うどん本店
地址：台北市 中山區 中山北路一段55號
電話：+886 2 2536-2611
網址：
沒有留言:
張貼留言