2個月前剛搬完屋，又做埋超級ＢＯＤＹ ＣＨＥＣＫ，幾日前擺完人生第一次手作市集，2018年忙到爆廠！
而家算唔算係放假輕鬆吓？！（比我開心埋呢幾日，惡夢即將來襲，好快又要再搬屋，人都癲，我可以爆粗嗎？）
ＨＯＮＥＹ而家好叻仔，好識得搵地方玩。。。今日又比佢威多一次。。。
開始咗幾日嘅「2018桃園彩色海芋季」，係桃機捷Ａ１８站／高鐵桃園站有免費穿梭巴士接送，正到痺，即刻去吧！
去得Ａ１８，當然要幫襯吓Gloria Outlets啦！難得的藍天，得幾秒架咋～
Food Court睇落好多野食，味道只是So So...
高鐵桃園站外面的巴士站有好多櫻花呀，櫻花呀))))))
超豪華巴士。。。向著大園溪海花卉園區進發！
ＤＡ。。。ＤＡ。。。「2018桃園彩色海芋季」！！！為咗記住個天隨時會塌落黎，全部相原圖直出唔落ＦＩＬＴＥＲ調光。
睇真Ｄ，同場好多影結婚相嘅場景，居然仲有禮服租，只係５０蚊港幣，洗唔洗咁識做生意呀？！
主題係海芋呀，海芋呀！（陽明山海芋只有白色，人地真係係田裡面自然生長，呢度雖然彩色，但觀乎密集程度，好明顯係插入去）
同場仲有其他好靚嘅花！呢隻勳章菊真係好靚呀！
現場有３個市集，不煩吃的買的。。。廁所是臨時的膠屋仔。。。泥地有鋪上膠布，未落雨都仲幾好行。。。
一路行一路好擔心落雨，又擔心穿梭巴士要排好耐，都係快快回歸Gloria Outlets的懷抱吧啦～
尋日返咗天母食韓媽媽，再去埋磺溪彩虹健康步道尋櫻。。。天氣不似預期，櫻花亦未開，失望而回。。。
一邊擔心會落雨，一邊踩ＵＢＩＫＥ，爭分奪秒實在唔似我地性格。。。（唔通我地有預知能力，知道好快就無得再玩）
今次回台行程ＭＯＬＡＬＡ緊密到離奇，每天都努力衝衝衝！！！
將有更多的旅程，等待我地去探索！
其實無車牌又有乜野好怕喎！希望在明天吖嘛！
沒有留言:
張貼留言