台北４大鰻魚飯之首，搵朋友去食飯永無投訴之選！
前日去淡水無極天元宮欣賞完１００％櫻花盛開盛況，以為行程就咁就完滿完結，疊埋心水執行李今日返香港。。。點知。。。世事未能盡如人意。。。估唔到。。。仲有更加精彩嘅旅程等緊我地！！！
ＨＯＮＥＹ尋日朝約咗朋友飲ＣＯＦＦＥＥ。。。離開咖啡店時，朋友話聽日約咗茶師品茶，仲帶我地入去轉角雜貨店嘅閣樓參觀，嘩，好靚呀！！！朋友問我地聽日有無興趣ＪＯＩＮ。。。我：好呀！！！好呀！！！
咁高興，不如去食埋鰻魚飯先去嘆茶啦～ＹＯ～
憑記憶行去鰻魚飯度，仲爭幾步路。。。咦？咁嘅？一樣名嘅？！再行返去舊舖，已經變咗酒吧。。。（查實ＧＯＯＧＬＥ地圖係指去再對上一個舖位，無雷公咁遠，上次朋友去錯再ＴＡＸＩ過返黎已經過鐘唔比入）
我鍾意舊舖個門口多Ｄ囉～
舊食評：http://www.kenmerry.com/2016/11/Hamamatsu.html
我鍾意舊舖個裝修多多Ｄ囉～新舖好冰冷，賣蛋糕又得，擺畫展都得，一Ｄ日本味道都無。
尋日先ＢＯＯＫ位，得返吧枱～吧枱由頭到尾都坐滿人，唔敢影相。
吧枱有叉電位，對我地呢Ｄ無時無刻都要影相同ＧＯＯＧＬＥ ＭＡＰ嘅遊客黎講好有用。
舊時個魚缸仲響樹～
新增ＯＰＥＮ ＫＩＴＣＨＥＮ～烤鰻魚過程大公開！隔住玻璃都感受到吱吱聲。。。
新地址！影低方便將來ＳＨＡＲＥ～
每次黎，唔洗諗，活鰻魚三吃！（最好訂位時預留定）
香烤鰻魚肝 NT$150
— 咖啡職人本身係識食之人，第一次黎就識得叫香烤鰻魚肝，神髓係苦中帶甘鮮，勁！
食食吓，仲問店員有無鰻魚肝湯，真係好識食！我黎咁多次都係第一次飲咋～
ＬＵＮＣＨ ＳＥＴ可加錢要天婦羅～
壓軸出場—活鰻魚三吃！１個人食又太飽，２個人ＳＨＡＲＥ １份又唔夠喉，３個人ＳＨＡＲＥ ２份就剛剛好！ＹＵＭＭＹ！
從來都唔覺得呢度ＳＥＲＶＩＣＥ好，今次感覺更奇怪！女店員有間中ＲＥＦＩＬＬ熱茶比２位男食客，但由始而終都無ＲＥＦＩＬＬ比我，仲要叫都唔做，唔通佢覺得咁樣好日式？！
臨走記著攞返個旅行喼。。。７ＫＧ係桃園機場捷運Ａ１站搬過黎都好辛苦！沿路凹凸不平，又爬高又爬低又奪命樓梯。。。好彩個２０ＫＧ寄存到係Ａ１站咋！！！
原本去到Ａ１站個行李寄存ＬＯＣＫＥＲ已經ＦＵＬＬ晒架啦，淨返最後１格，有個日本男遊客塞咗件ＨＡＮＤ ＣＡＲＲＹ入去，搵埋站務員幫手，我眼見ＴＲＹ咗超過５次都寄唔到，佢最後放棄離開！臨走我仲同佢講ＴＨＡＮＫ ＹＯＵ，嘩咔咔咔！！！
經我ＴＲＹ咗２—３次，同ＨＯＮＥＹ同心協力，大成功ＹＥＡＨ！！！（ＨＯＮＥＹ企係ＫＩＯＳＫ果便操作，我企係遠一遠用膝頭頂實儲物櫃度門）
真係好彩個２０ＫＧ寄存到咋，唔係嘅話都唔知點算。。。
味道：★★★★★
環境：★★★★☆
服務：★★★☆☆
衛生：★★★★☆
抵食：★★★☆☆
濱松屋
地址：台北市 中山區 林森北路119巷12號
電話：+886 2 2567-5705
網址：
沒有留言:
張貼留言