星期四晚上展開不可能的任務，星期日中午就擺平晒？好勁呀我地！（更恐怖嘅任務，將會係明天１０時委派，人生確係充滿挑戰）
唔慶功就勢係假！
慶得功啦喎，當然要一不離二！啱啱先飲完龍貓拉花咖啡，都未落格，又去食晚飯喇！
今日有人揸車，去遠啲都唔驚啦！
唔知點解，今晚好想食齋。搵嚟搵去，桃園嗰邊都冇乜邊間齋舖似樣，所以就試下林口呢一間。位置好獨特，勁近Ａ９捷運站，但又四野荒蕪。入到鐵皮屋入面，Ｏ晒咀！估唔到餐廳入面又大又靚！
林口Ｄ餐廳職員每次見到香港人都會覺得好奇怪，９９％都會問我哋係點搵到嚟。。。
答案：Google大神！
疑似老闆見到香港人好開心，佢話佢成日去香港，香港有間齋舖都好好食。（吓？！）（我哋梗係半信半疑）
佢仲話選址係呢度，係因為方便客人泊車。（咁呀真，巷頭巷尾任你通街泊）
餐牌圖文並荗。。。
睇見隔離枱２公婆１人１碗喇沙，都唔揀其他嘢Share，唔使諗，一定係喇沙最好食！！！好，我決定叫喇沙！
估唔到齋都可以煮得咁惹味，好好味！
我哋前後食咗兩餐，加埋試咗五款主菜，都係喇沙最好食！團長夫人話以後嚟淨係叫喇沙＋沙嗲串燒就掂喇！酥脆豆皮都好正，但應該好熱氣同埋好多油，推廣期內ＦＢ打卡會送，但我選擇付款。
娘惹咖哩煲
肉骨茶
摩摩喳喳好好味喔～（不敢食冰的我倆表示）（跟主菜送甜品飲品，伯爵紅茶超大杯）
印度抓餅
蝶豆花水果茶（自助任飲）
—含豐富維他命ＡＣＥ同花青素，可以提高免疫力，促進皮膚彈力同骨膠原，補腦，防止胃痛，抗憂，抗壓力，鎮靜，止驚，緩和情緒。（咁多功效？！會唔會太勁呀？！）（團長夫人話蝶豆花好寒涼，我都係少飲為妙）（天然紫色真係好靚）
室內。。。
戶外。。。
過２日，貴妃娘娘駕到～我地發現咗新大陸，當然要第一時間招呼佢嚟食好野啦～
恭請貴妃娘娘移玉步到戶外拍照。。。初時我地只係自己拍，店員發現後，主動話幫我地拍合照，仲要影咗好多張影到佢（店員）滿意為止，哈哈哈，太熱情了吧～
菜式特別，絕對係新派齋菜，味道好，價錢公道，店員熱情友善，地方寬敞舒適氣質獨特，會推薦比更多香港朋友（去三井ＯＵＴＬＥＴ掃貨果班）。
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
熱浪島南洋蔬食茶堂
地址：新北市 林口區 惠民街2號
電話：+886 2 2608-3082
網址：www.pulau-redang.com
食飽飽就要同貴妃娘娘＆團長夫人講ＢＹＥＢＹＥ，我同ＨＯＮＥＹ夠鐘去Ａ９站坐機鐵返香港ＬＵ～嗚嗚嗚嗚～
今次好勁，破天荒買咗１箱生果搬返香港！６個蕃鬼荔枝（釋迦）都大過我個拳頭，１箱唔使１００港幣！抵到爛！（最後真係爛咗）
原本想ＷＥＥＫＥＮＤ同ＦＡＭＩＬＹ分享，可惜。。。ＨＡＮＤＣＡＲＲＹ都有輕微碰撞過，加上天氣太熱，擺咗３日已發霉＆出汁，唯有自己一口氣食晒６個！Ｄ蕃鬼荔枝（釋迦）真係好好好味呀！如果早２日（爛之前）食應該口感＆味道更好！
除咗釋迦，仲掃咗一大堆ＭＩＴ台灣特產！！！ＨＯＮＥＹ已經控制唔到我啦，ＷＡＨＡＨＡＨＡ～
我掃，我掃，我掃掃掃～
１盒濾水器已慳到１張機票咁滯～民生食用品台灣真係平好多！３Ｃ進口產品就香港平Ｄ～
買左好多野,
回覆刪除間餐廳環境很幽美,
爆買 XD
刪除間餐廳真係好正,人又好,食物又好,地方又好 ^^