【台北】空肚迎擊寒流第2波

28 January 2018, Sunday

我返嚟啦～～～（走咗短短10日）

上次返嚟撞正寒流（第１波），最低都仲有攝氏９度吖，而且舊屋廳＆房嘅冷氣機都有暖氣功能，留係屋內時根本唔使著外套。

今次返嚟「又」撞正寒流（第２波），最低得攝氏６度，新屋完全無暖氣，想凍屎人嚒？！

凍都算喇，仲要連落9日雨，使唔使做到咁絕先？！

唔通連個天都唔鍾意我？！


新聞報導：比「霸王寒流」凍更久！　連5天低溫10℃以下本世紀第二長
https://tw.appledaily.com/new/realtime/20180203/1291437/



出發前１晚１１點幾，收到航空公司ＳＭＳ：「受不可抗力影響，閣下的航班可能出現延誤或取消，旅客前往機場前，請留意機場最新航班資料。香港航空即時起豁免航班延誤或取消導致的改期費用，受影響旅客現可免費改期一次。不便之處，敬請見諒。」

喂，唔係同我玩野吓話？！我今晚約咗台灣朋友食晚飯，有好重重重要嘅包裹一定要拎到手架！！！（朋友過幾日要返大陸開會）（好彩，我地最後都６點幾到達，朋友又願意改地點遷就我地，總算有驚無險）


航空公司咁早就ＳＥＮＤ　ＳＭＳ，仲要可以免費改期一次，成件事太可疑～

我金田一上身，發現１月２７日南京去香港嘅航班全日所有ＡＩＲＬＩＮＥＳ都ＣＡＮＣＥＬＬＥＤ，包括國內的航空公司！！！

想改早一班機飛，電話完全無人接聽！！！

唉，我個胃又開始作反啦～

出奇地又無失眠喎～

ＣＨＥＣＫ—ＩＮ寄完行李仲唔轉身走咩，走到無雷公咁遠，個職員妹妹叫返我返轉頭，搞邊科？

原來ＤＥＬＡＹ有餐券送。。。我慣咗去ＬＯＵＮＧＥ　ＨＥＡ，比餐券我都無用，結果。。。


（土豪ＭＯＤＥ）係麥當當買咗１５０蚊ＭＵＦＦＩＮ！之後３日早餐都靠佢地。。。


廣播！廣播！預備登機！


又過咗２日。。。（除咗第１晚係點水樓同朋友食晚飯，之後幾日做過咩食過咩都幾乎無晒印象）

趁唔大雨，去林口ＳＴＡＲＢＵＣＫＳ獵櫻～


上次旅程靠ＧＯＯＧＬＥ　ＭＡＰ搵到幾間好餐廳，心雄了，今日再度出擊，落得損手爛腳下場～


一開門，狗狗極速飛撲出來狂吠（歡迎儀式），太驚喜，我一時招架唔住，嚇到叫咗出嚟，倒後褪，拉返埋度門。

可憐的狗狗被店員罵了一頓，我好內疚，明明佢先係主場。硬住頭皮推門入去。。。（入內後，為了表示我對狗狗的歉意，我跟店員道歉了３次）

配色很美吧～台灣人用色好大膽，效果又出奇地精彩～



睇完餐牌，都唔見ＧＯＯＧＬＥ　ＭＡＰ入面果張相—最強蛋牛治塔。。。唔想叫錯，比張相店員睇，店員話張相係客人自己擺盤。。。（那黃色醬＆香草＆大量牛肉＆薯餅＆沒有切半的麵包是客人自己帶來的嗎？！）


真面目係。。。


嘗試跟著照片擺盤。。。結果。。。（大家感唔感受到我果股小宇宙？！）


貨不對辦都算，仲要唔好味！

店員有問味道可以嗎，我運用台式答法：還好！

ＨＯＮＥＹ的燉飯。。。還好！


心情跌落谷底，外面開始落大雨。。。


味道：★★☆☆☆
環境：★★★☆☆
服務：★★★★☆
衛生：★★★★☆
抵食：★★★☆☆

Eat enjoy意享美式廚房
地址：新北市 林口區 文化三路一段390-1
電話：+886 2 2600-5881
網址：www.facebook.com/eatenjoy2/

---

沿著公園路走，風大雨大氣溫又低，好不容易到達街坊推薦的嘗櫻熱點—林口運動公園，結果。。。（我地咁辛苦為咩？！）（ＳＴＡＲＢＵＣＫＳ果棵櫻花原來已經係全林口區最靚）


２度失望而回。。。

打算去飲杯咖啡，取取暖。。。

風大雨大氣溫又低，好不容易到達咖啡店，閉門維修中！！！ＯＭＧ！！！今日咩事呀！！！


３度失望而回。。。

最後好似去咗燦坤買暖燈。。。（１日後，終於發現家樂福有得賣，平好多，唔係放係電器部，放係咕𠱸＆賀年揮春中間，借問聲，有邊個會搵到，係咪真係想賣架？！）

（再１日後，見到新聞報導話暖燈會致癌，點解你唔早Ｄ　ＰＯＰ出嚟呀？等我買咗你先講）

ＡＮＹＷＡＹ，檢查前的１７：００晚餐！要流質！天氣咁凍，仲要無野落肚，我會唔會凍屎架？！

＊用微波爐叮飯Ｄ白飯＋豆漿煲到變成粥，我係咪好有頭腦呢，ＷＡＫＡＫＡＫＡ～

第２日。。。０４：３０。。。０７：００。。。

１１：３０任務大致上完成，終於可以食野！好感動！好靚嘅便當，好好味！


午餐前應該有食過早餐，麻醉藥剛散，迷迷糊糊，都唔記得影相，亦唔記得幾點。

自助生果吧＆沙律吧。。。


ＣＡＮＴＥＥＮ好似酒店ＬＯＢＢＹ咁靚。。。


６星級的體驗！

總算完成咗最重要嘅任務，尋晚都無咩點瞓過，今晚要好好休息吓，聽日可以出街刷餐飽～