【南投】百勝村咖啡民宿莊園：住宿導賞遊學一站式

25 November 2017, Saturday

２日１夜行程：富狀元豬腳極品餐廳（午餐）⇨宮原眼科（雪糕）⇨日月潭⇨那隻牛（晚餐）⇨百勝村咖啡民宿莊園（住宿＋早餐＋導賞）⇨李仔哥爌肉飯（午餐）⇨南投酒廠⇨膳馨民間創作料理（晚餐）


是次行程重點中嘅重點 ！

第一次係咖啡莊園過夜！好興奮呀！

興奮期間又好驚驚呀！

由台中去國姓鄉要經過「全台灣最高的國姓高架橋」（水沙連高速公路，國道6號）—最高墩柱高70米，相當於23層樓高！！！

ＯＭＧ！！！去到迴旋位團長仲叫我影相，唔好啦啩，我好驚呀！我完全唔想望外面呀！

進入國姓路果陣鄉村風味出晒黎（講緊條路）～

♫晨早起床清新開朗，陽光溫暖帶來無限美♫



尋晚夜麻麻先到，一到埗就ＬＡＬＡ聲上房沖涼瞓覺～我地尋晚就住係咖啡室樓上嘅客房～



房間偌大，新淨整潔～（有點出乎意料）


窗外景色～


浴室設備都好雪白～



非常滿意的住宿～（乾淨＆新淨程序超乎預期）

早餐供應時間：最遲９：００～（年紀大咗，見到早餐有粥食就開心過乜）


要等埋團長的朋友從台中開車過黎，齊人先開始導賞活動。時間尚早，自己週圍行吓先～


Yellow Bourbon成熟時咖啡豆是黃色的，第一次親眼見到，好開心呀！（其他咖啡豆成熟時都是紅色的）


嘩嘩嘩！！！咖啡莊園有溫泉浸腳已經夠誇張，仲要１人１鍋（哈哈，諗起打邊爐），衛生到咁，太太太誇張啦啩！！！


得閒到呢。。。連呢Ｄ都影埋。。。班友都仲未見影踪。。。（最後１１：３０先到）


人齊！導賞遊學團嘅鴨仔們，集合！開車上山囉～


咖啡豆正值收成期，工人都在忙於採收。


提防小手！有人摘咗１粒Typica咖啡豆放入口食，果肉甜美！食都不特止，仲帶埋粒豆返香港浸水等發芽。。。會唔會太過份呀？！（偷圖＝偷野時比人影低咗罪証嘅圖）

✭鐵比卡（Typica）是阿拉比卡（Arabica）咖啡的原生品種，源自埃塞俄比亞。

國姓百勝村海拔只有400多公尺，屬於低海拔莊園，以後製技術「無氧日曬豆」（咖啡豆日曬發酵過程阻絕空氣，讓厭氧菌種能佔優勢，大幅提升口感、香氣）參加美國COFFEE REVIEW評鑑，獲得92分，在台灣咖啡豆名列第2，僅次高海拔阿里山咖啡豆的93分。




山上仲有露營區，規劃勁完善，每一格都有水有電，營區旁邊仲有好靚仔嘅浴室，搞到我都想試吓黎露營。


好，了解完咖啡豆品種同生長環境，又試埋果肉味道，團長仲扮埋採豆工人拍埋ＶＩＤＥＯ，大家都盡興而回，落山繼續上埋下半堂。。。


美國工藝烘焙機Diedrich～


剛才採摘的咖啡豆先用呢部機器去衣。。。



去後制處理區睇睇個流程圖＆機器～







了解完整個過程，當然要去咖啡室嘆杯咖啡啦～


生豆，水洗豆，蜜處理豆，日曬豆—呈現不同的顏色！我地３隻都試飲晒～


香港人去到邊都會瘋狂ＳＨＯＰＰＩＮＧ，黎到咖啡莊園當然唔可以執輸！喪買到係老闆娘送出１套１５色的咖啡豆湯匙比大家！


咖啡莊園導賞遊學團完滿結束！係時候去搵飯食，２點幾啦～


百勝村咖啡莊園‧民宿‧露營
地址：南投縣 國姓鄉 北港村國姓路87-9號
電話：+886 4 9246-1001
網址：baishengcun.ego.tw


回港後開始浸豆，浸咗５個星期，前面３粒阿里山王子得１粒出到芽，後面幾粒百勝村暫時都未有動靜。。。唉。。。種咖啡豆真困難！