同貓兄係銅鑼灣煤氣烹飪中心學煮完ＷＷＦ海鮮，隨即要飛身去佐敦同台山四寶食晚飯啦～～～
弊啦！遲到喇，遲到喇，行快Ｄ啦喂~~~
睇返呢張相，我地只係遲咗８分鐘，但餐廳內"You-Know-Who"面色異常地ＤＡＲＫ！！！（佢平時自己次次都遲到，一遲就３０—４５分鐘閒閒地，唔係８分鐘都咁睇唔開呀）
我唔慣睇人面色，都係轉移視線睇餐牌。
落好單，撈ＴＩＭＥ！
竹蔗水足料，唔太甜，好飲！
金撈老鴨湯好正，我飲咗最少４碗！但原來唔係人人識欣賞，"You-Know-Who"同貓兄都話無特別。
飲唔晒Ｄ湯，會加火鍋湯底落去打邊爐。我剩係食煲湯嘅鴨肉都飽咗一大半。
火鍋材料新鮮，冰黑豆腐大家唔係太識欣賞。
埋單成桶珍寶珠隊埋來，我要減肥，你地３個食啦～
走人時路過糖坊甜品（佐敦文蔚街23號地舖），大家又被吸咗入去。。。又話減肥？仲飲咁大杯抺茶紅豆？！出奇地幾好飲喎，落足料，好有ＨＥＡＲＴ！
呢Ｄ佢地嘅，唔關我事！
味道：★★★★☆
環境：★★★☆☆
服務：★★★☆☆
衛生：★★★☆☆
抵食：★★★☆☆
金撈老鴨湯刺身火鍋專門店 Kum Lo Hotpot
地址：佐敦 文昌街25-47號文昌樓地下41及43號舖
電話：+852 2332-7600
網址：
題外話。。。
背後放暗箭唔係我風格，你鐘意咁嘅溝通方式，我就勉為其難同你玩一次！
記住，係你，係你用咁嘅表達方式先嘅，唔好等陣又玻璃心怪人用同樣嘅表達方式！
話說，上次係台灣專程搬「三十日就會過期嘅麗馨姐養生核桃棗」返來，原先一番美意，結果搞出好大風波，化成爛攤子！大家唔想事情再惡化，搞到我要分幾次送貨！
今日的ＤＡＲＫ ＦＡＣＥ可能係上次嘅餘波都未定。。。
咁好啦，再對上幾次炑八韓烤 ，龍媽買比我嘅ＰＯＰＣＯＲＮ手信，你居然話要用錢同我買，我唔知自己幾時變得咁窮，連好朋友千山萬水搬返來嘅手信都要變賣！
見你未食過，咁想食，我咪專程去圓山車站搬返黎，我只敢買３罐，多都無，自己都無得食，咁辛苦為咩先？！咪為氹朋友開心啫～
今日約出黎食晚飯都係為咗ＤＥＬＩＶＥＲ呢份禮物，比你時你個樣嫌棄到爆，話自己個囡唔鍾意朱古力味。。。
貓兄都即刻爆佢：係送比你，唔係送比你個囡！
你先講話自己都唔鍾意朱古力味。。。（咁奇怪？！！！）
咁嫌棄，比返我，唔好勉強，我自己都無得食！（３個鐵罐加埋等於半個ＨＡＮＤ ＣＡＲＲＹ喼）
係我迫問之下，你先講自己對上一次去台灣有買過來食。。。
咁好啦，以為故事就咁完啦～
勢估唔到，有人過２晚即刻係ＦＢ發相，原來人地係買咗１箱１０罐ＰＯＰＣＯＲＮ，卻一直絕口不提！
相片標題：花花邦妮😍😋😄✌
回覆留言：有點中伏，我都覺得一般😅
嘩，好精神分裂啫，又心心眼又ＬＡＭ晒脷。人地留言話一般般，你就即刻話中伏。
做埋晒Ｄ小動作。
講完！
⭐✨🌟２０１７年最後一篇文，ＹＥＡＨ！
沒有留言:
張貼留言