２日１夜行程：富狀元豬腳極品餐廳（午餐）⇨宮原眼科（雪糕）⇨日月潭⇨那隻牛（晚餐）⇨百勝村咖啡民宿莊園（住宿＋早餐＋導賞）⇨李仔哥爌肉飯（午餐）⇨南投酒廠⇨膳馨民間創作料理（晚餐）【台中南投】咖啡莊園の快閃2天
轉眼又落返台中食晚飯，都係團長的朋友揀的餐廳，但尋晚無位食飯的教訓好似無人記得，我唯有自己打電話o黎訂位，好彩有打電話，得７：１５分有位咋！
係國立台灣美術館附近D餐廳真係間間都好鬼靚～
訂咗位都要等！黎等位嘅人越黎越多，個天仲開始落雨，大家都無攞遮，場面都幾狼狽。
係門口等嘅期間，順便點埋菜。（菜名極盡雕琢）
外婆的鹹嫩鴨
—１１個人望住呢碟咁嬌滴滴嘅鹹鴨。。。都唔知點起筷！
金沙風暴蝦球
—鹹蛋黃蝦球，炒得唔錯，好香，味道夠重。
椒鹽大元蹄
—好味！外脆內Ｑ！惹味十足～
滷鴨血的誘惑
—秒間被ＫＯ！秒間被叫多１碟再ＫＯ！應該幾好味啩！
苦盡甘來
金瓜蟹粉豆腐撈
蒜香風味小卷
非一般雞湯
櫻花蝦高麗菜
—咦？無相？無辦法，同咁大枱生譜人食飯，影到咁多張相都已經好利害。
紅燒牛三寶
芋頭海鮮米粉
—好大鍋！好鹹！
不拉魚鮮文蛤
敬送糖水。珍貴的幾粒豆。
１１個人埋單６千幾台幣，又唔算好貴。係份量的骰Ｄ，人多難ＳＨＡＲＥ。賣相部份好，味道部份好，唔係非常驚喜一定要再去食過果隻。
味道：★★★★☆
環境：★★★★☆
服務：★★★★☆
衛生：★★★★☆
抵食：★★★☆☆
膳馨民間創作料理
地址：台中市 西區 存中街21號
電話：+886 4 2372-1650
網址：shanshin.looker.tw
沒有留言:
張貼留言