２日１夜行程：富狀元豬腳極品餐廳（午餐）⇨宮原眼科（雪糕）⇨日月潭⇨那隻牛（晚餐）⇨百勝村咖啡民宿莊園（住宿＋早餐＋導賞）⇨李仔哥爌肉飯（午餐）⇨南投酒廠⇨膳馨民間創作料理（晚餐）
【台北】咖啡展X黏土展の快閃9天... 踏入第7日...
時間真係過得好快...
乜都無做過！
乜都無玩過！
乜都無食過！
咁就無咗６日？
今日終於可以１００％玩餐飽食餐飽～
行程重頭戲—【台中+南投】咖啡莊園民宿2天快閃之旅！
@富狀元豬腳極品餐廳
我淨係識o黎呢度o架咋... 台中老師推薦的午餐便當... 唔食豬手嘅我都食到停唔到口...
朝早團長從宜蘭飛車出o黎林口接我地，開車落到台中都已經3點，唔使排隊直接入去坐。
@宮原眼科
ＭＵＳＴ ＢＥ人頭湧湧的人龍店，事前大大聲話咗只食單球，結果變成雙球，見到聖誕鹿曲奇仲要ＵＰＧＲＡＤＥ埋ＳＵＮＤＡＥ，肥死都唔好怨人呀！
快閃快快吓閃咗去日月潭！！！
明明今晚都係台中食晚飯，開９０分鐘車過來日月潭，行３０分鐘又開返９０分鐘車返去台中，食完飯再開５０分鐘車去南投咖啡民宿莊園，想唔暈車浪都幾難！好彩初段瞓著咗，之後要靠狂隊話梅。
曾有聽聞日月潭空有虛名，為美麗寶島最讓人失望景點之一。坦白講，今日只係用咗３０分鐘去認識佢，的確有點不明白點解咁多遊客湧來更搞到水洩不通，將來有時間的話會再比多一次機會佢，再深入了解一次。
@日月潭水社碼頭廣場
@日月潭涵碧步道
@那隻牛 http://www.kenmerry.com/2017/12/Taichung-BeefSoup.html
團長的朋友搵嘅餐廳，地方不大，８個人無訂位嘅情況下，就係要係門口呆等。老闆好像愛理不理，無心裝載，令等候緊嘅我地憂心忡忡，結果又真係等到位，錯怪老闆。味道一般啦～
@百勝村咖啡民宿莊園 http://www.kenmerry.com/2018/01/baishengcun.html
潔淨的住宿，精彩的導賞，ＮＩＣＥ ＴＯＵＲ！
@李仔哥爌肉飯
方圓百里Ｄ餐廳都閂晒門。粗粗地食住先啦～（個五花腩堅好味，難怪２點半都人頭湧湧）
@南投酒廠
臨時加插行程，臨收工威士忌VIP品評區趕客，品酒錢照收。結果朋友要係外面推廣中心搵酒買。
地下酒窖。（整個觀光行程都幾ＢＯＲＩＮＧ吓）（除咗賣野我睇唔到有咩觀光）
@膳馨民間創作料理 http://www.kenmerry.com/2017/12/shanshin.html
轉眼又落返台中食晚飯，都係團長的朋友揀的餐廳，但尋晚無位食飯的教訓好似無人記得，我唯有自己打電話黎訂位，好彩有打電話，得７：１５分有位咋！
@環亞機場貴賓室第二航廈A區
希望今次考車成功啦，咁我就可以台灣自駕遊啦～
沒有留言:
張貼留言