話說，食完低調高手大街小食嘅格仔餅，正常係會去華星冰室吹吓水嘅。。。
之但係而家落緊毛毛雨，萬一走果陣落９Ｃ，跣親咁就弊喇！！！
都係去Ｄ出入都唔使淋雨嘅地方安全Ｄ～
就係咁，就返咗太古城～（宅）
我都係今日先ＭＡＫＥ ＳＵＲＥ呢２間餐廳其實係同一間餐廳！比條行入路隔開咗～
諗住ＴＥＡ一ＴＥＡ，搵吓餐牌同收銀機係邊嘅時候，見到呢個咖啡杯～（個３角朱古力咁樣唔係幾合衛生喎！係咪應該拆咗包裝紙去呀？驚！）
搵到餐牌同收銀之後，其實無咩選擇！唔緊要，努力係入面揀一樣。。。
最接受唔到嘅只係，你放個意粉ＰＲＩＣＥ ＳＴＡＮＤ係雪糕架上面，原來意粉唔可以係呢度買！！！
要繞過整間店去另一邊間店度買！
去到另一邊，買咗件ＣＡＫＥ，又要返返去果邊間舖度拎！
剛放低件ＣＡＫＥ，又要去拎餐具（自助區）！
拎完餐具，又要返返過去隔離舖拎意粉！（比完錢有部震震機比你，響到鬼殺咁嘈，成個寧靜環境破壞得體無完膚）（部震震機醜到呢。。。係我見過咁多部之中最醜的，以港日台計算。。。唔記得影相添）
人都癲啦吓話！！！！！！！！
重。。。點。。。係。。。
你唔係特別價錢平！！！
你唔係特別好味道！！！
你唔係特別好坐！！！
你唔係特別多選擇！！！
你唔係特別好服務！！！
點解？點解我要幫襯你？
我買少少野都比你玩到陀陀令，仲點可以懶優雅地吹水？！仲要座位後面係通向其他多間餐廳嘅走廊！
件ＣＡＫＥ個樣同味道係ＯＫ嘅，杯荔枝ＭＯＣＫＴＡＩＬ味道都ＯＫ。。。
但碟意粉有可疑！力仔剩係食晒Ｄ麵，肉醬無掂過食剩晒！
除非有朋友堅持想去試，否則。。。ＥＮＣＯＲＥ指數幾低！！！（太古區街坊表示）（今日ＬＵＮＣＨ先係翠園飲茶黎）
味道：★★★☆☆
環境：★★★☆☆
服務：★★★☆☆
衛生：★★★☆☆
抵食：★★☆☆☆
Passion by Gerard Dubois
地址：太古 太古城道18號太古城中心3樓308及315號舖
電話：+852 2385-5555
網址：www.passionbygd.com
🙊🙈🙉 １２月１０日去咗行山，落山時ＨＯＮＥＹ話想飲下午茶嘆件ＣＡＫＥ，我話有間咁嘅餐廳，ＣＡＫＥ係唔錯嘅。。。結果。。。我地就去咗！
今次比我地發現一個隱蔽位，坐係度捉ＰＯＫＥＭＯＮ一流（ＸＭＡＳ又出咗幾十隻新精靈），係正４個補給站中間，餐廳仲有ＦＲＥＥ ＷＩＦＩ，結果一坐就坐到晚飯時間，ＨＯＮＥＹ話係度食埋。。。
結果ＨＯＮＥＹ愛上咗呢間餐廳，聖誕節果幾日都係度打躉，食完ＴＥＡ食埋晚餐。ＸＭＡＳ外面加價加到癲，呢度無加價即刻變抵食。
沒有留言:
張貼留言