今日約咗黃毛仔同學上UV手工班，上課前先到Sensory Zero食個All Day Breakfast...
食飽飽就轉移陣地，帶呢位白老鼠同學仔到寒舍努力加把勁～（正式教室未裝修好）
黃同學單人匹馬努力咗５個ＨＯＵＲＳ之後。。。（我全程靠把口，翹埋雙手，ＷＡＫＡＫＡＫＡ）
夠鐘放飯！！！ＹＥＡＨ！！！
唔知食咩好。。。
諗諗吓。。。太古好似開咗間抹茶甜品店，裝修期間店外木板標榜自己係日本京都宇治擁有2百幾年歷史嘅抹茶老字號。。。開店後ＬＵＮＣＨ路過都見到人係入面食麵，就去試吓～
星期六晚飯時間都唔使排隊，剛好有１張枱剩。。。
抹茶蕎麥麵（單品）ＨＫ＄７８
—一場黎到，當然要食抹茶嘢。。。我走咗菇。。。個價錢。。。都幾貴吓。。。
林屋和食料理（單品）ＨＫ＄８８
—黃同學個餐。。。相對黎講，感覺上抵食Ｄ。。。
醉翁之意當然不在酒。。。
堅抵食的抹茶啫喱雪糕！！！（新地貴４０蚊但個軟雪糕細一半以上）
唉。。。睇黎我個減肥大計凍過水。。。
分享吓黃同學嘅作品先。。。（我個導師牌應該唔使除牌啩，哈哈）
呢位同學誇張到。。。自備材料包！！！（日本新鮮空運到港）
仲交帶落，我要寫名放好，等佢下次再黎寒舍玩果陣可以拎出黎用！！！（點解我會聯想到茶樓D熟客寄存自己支酒，去食飯時鍾意就開黎飲２啖）
多謝黃同學日本新鮮空運到港嘅手信。。。好重手，太客氣喇。。。最鍾意係包住盒糖果塊招財貓布，可以用來做和菓子店的門簾。。。
好嘢！寫埋呢篇ＢＬＯＧ我就寫晒２０１７年Ｑ３或之前的ＢＬＯＧ啦！我ＲＥＢＯＲＮ啦！自由嘅空氣味道特別清新！
味道：★★★★☆
環境：★★★☆☆
服務：★★★☆☆
衛生：★★★★☆
抵食：★★★☆☆
京林屋 Kyo Hayashiya
地址：太古 太古城道22號 明宮閣地下G406號舖
電話：+852 2638-3698/2960-2925
網址：www.facebook.com/kyohayashiya.hk
沒有留言:
張貼留言