✪行程✪
【第１天】桃園火車站⇨台中火車站⇨春水堂（午餐）⇨道禾六藝文化館-台中刑務所演武場（劍道＋下午茶）⇨綠光計畫范特喜文創聚落⇨Isabella's（下午茶＋晚餐）⇨雙星大飯店／台中車站快捷旅店（住宿）
【第２天】台中車站快捷旅店（早餐）⇨東海大學-路思義教堂⇨秋紅谷生態公園⇨台中歌劇院⇨VVG Play Play（午餐）⇨老樹咖啡（下午茶）⇨田樂（晚餐）⇨台灣太陽餅博物館⇨台中火車站⇨桃園火車站
九份十分飽受殘酷風雨虐待的鐵三角組合。。。又再聚頭！
遊覽完綠光計畫范特喜文創聚落，HONEY推薦去Isabella's嘆下午茶，佢話全個范特喜入面最似樣，後尾因為超特強大雷雨，飲完下午茶走唔甩，結果原地食埋晚飯！連桄老師推薦的田樂都去唔到要打電話取消Booking...
九份十分飽受殘酷風雨虐待的鐵三角組合喎，你估流架！
間餐廳靚到揼一聲，唔信？跟我入黎睇下先啦～
香茅檸檬綠 NT$150
其實。。。我地好飽，借嘆下午茶為名，實質係想嘆冷氣～
所以，只係Order咗杯飲品，點知。。。招待嘅！唔食好浪費食物喎。。。結果。。。飽！
嘆茶期間，超特強大雷雨來襲，恐怖過香港黑雨！邊個話台中天氣好好唔會落雨架？！
剛才嘅美景，１秒變澤國！往事不堪回～
４點坐到６點，情況無改善，無計，原地踏步，打電話取消晚飯Booking...
店主有話借遮比我地，仲話如果太麻煩，就唔使還。（人太好，感動）
其實仍然飽到嘔囉～（唔係講笑，過２日真係嘔咗出黎，仲去醫院抽咗７樽血）
不過坐係人地度咁耐，無理由唔幫襯，雖然店主一再強調唔緊要～
後尾我地轉咗去正常餐枱果邊坐，梳化呢邊係正，但太矮食野始終唔方便～
強調咗好多次，好飽，好辛苦夾硬食晒成份晚餐，店長竟然再招待糕點！個樣仲好實心！ＯＭＧ！我地有婉拒，但店員話已經切開了～ＯＫ～ＷＥ ＴＲＹ～
結果，飽到原封不動～
雨勢稍為緩和，CALL唔到TAXI，CALL到UBER！UBER來到我地有遮都要冒雨衝出去。。。
正當我地開咗門準備衝緊出去，店員此時跑來問我，要唔要幫我包走果２件招待糕點。。。我當時好ＨＵＲＲＹ，答司機等緊我地拎唔到ＳＯＲＲＹ。。。（都有少少內疚，地球上幾多人食都無得食，平時我絕對會包走的）
味道：★★★☆☆
環境：★★★★☆
服務：★★★★☆
衛生：★★★★☆
抵食：★★★★☆
Isabella's
地址：台中市 西區 中興一巷26號
電話：+886 4 2302-0598
網址：https://www.facebook.com/IsabellaxCafe
沒有留言:
張貼留言