✪行程✪
【第１天】桃園火車站⇨台中火車站⇨春水堂（午餐）⇨道禾六藝文化館-台中刑務所演武場（劍道＋下午茶）⇨綠光計畫范特喜文創聚落⇨Isabella's（下午茶＋晚餐）⇨雙星大飯店／台中車站快捷旅店（住宿）
【第２天】台中車站快捷旅店（早餐）⇨東海大學-路思義教堂⇨秋紅谷生態公園⇨台中歌劇院⇨VVG Play Play（午餐）⇨老樹咖啡（下午茶）⇨田樂（晚餐）⇨台灣太陽餅博物館⇨台中火車站⇨桃園火車站
九份十分飽受殘酷風雨虐待的鐵三角組合。。。又再聚頭！
從林口坐UBER到桃園火車站，台灣UBER之前停了2個月，現在司機都是R車牌字頭的合法出租車。巧合地，司機住過油麻地半年（台灣公司派過來駐香港分公司），仲識講幾句廣東話，好利害喔。
到達台中後，先到下榻的飯店與朋友會合，將行李暫放到朋友房中。
酒店係台中火車站旁邊，係火車站月台都望得到，走路幾分鐘就到。
✪ 間飯店超級超級垃圾，人生住過最差的飯店，有必要獨立出ＢＬＯＧ文警惕大家 ✪
係酒店門口搵的士去春水堂四維店，的士司機叫我行路去酒店旁的春水堂，潔淨好吃得多，我話唔得，一定要去「全球第一家珍珠奶茶店」，佢話佢無辦法車我地去，叫我搵第２架的士。
第２架的士司機臨落車時派晒卡片，Hard Sell高美濕地半天遊。。。去咗唔慌唔濕，呢2日台中下午都係雷暴雨。
第１餐：春水堂
世界珍珠奶茶發源地，唔係唔留個腳印吖嘛～
地面無位，被安排落地底。。。裝修好雅致。。。之不過，落單要走上走落。。。
食物味道一般，未o黎過就當係朝聖吓。
味道：★★★☆☆
環境：★★★☆☆
服務：★★★☆☆
衛生：★★★☆☆
抵食：★★★☆☆
春水堂創始店
地址：台中市 西區 四維街30號
電話：+886 4 2229-7991
網址：chunshuitang.com.tw
第２站：道禾六藝文化館-台中刑務所演武場
台中刑務所演武場興建於日治時期昭和12年(西元1937年)，為司獄官、警察日常練武之武道館舍，屬本市僅存之演武場，歷史原貌保存完整， 極具保存、再利用及建築研究價值。
惟和館—原為劍道、柔道使用空間，現用於劍道推廣課程。
是次行程亮點：劍道初禮驗！（期待咗１年，我都有今日喇，呵呵）
十年磨一劍，何時才可以練成心劍合一？！
老師人超好，劍道體驗真係超好玩，大家想體驗的話，記得先打電話預約喲～
（我地１個月前未訂酒店就已經聯絡小書房，由於下星期有比賽，劍道館明天起要閉關練功，如果唔預約白走一趟就慘啦）
心行館—原為俱樂部，現用於茶道、古琴、圍棋、水墨、篆刻推廣課程。
苦練１小時後，當然要喝個古典下午茶慰勞吓自己啦～（成身臭汗）
地方美得花嫁新娘們都紛紛跑來拍婚照，每次來都見到好幾對新人在努力展現自己最美一面。
嘆住冷氣，嗒住杯茶，呆呆望住別人大汗淋漓的在努力著，心裡難免有點爽！（哈哈，好過份唷）
去年弓道體驗BLOG文分享：http://www.kenmerry.com/2017/06/taichung.html
道禾六藝文化館-台中刑務所演武場
地址：台中市 西區 林森路33號
電話：+886 4 2375-9366
網址：sixarts.org.tw
第３站：老師的工作室
桄老師剛從東京展出成功的「帶著走」貨櫃咖啡廳，太美了吧！我的和果子店還未裝修耶，我不想走喔，嗚嗚嗚嗚～～～
第４站：田樂
桄老師推薦的餐廳，店面果然很隱密，一個不留神就會錯過～
途經餐廳順道訂位食晚餐，可惜等陣的大雷雨令我地寸步難行，只好打電話來取消Booking...
第５站：綠光計畫范特喜文創聚落
HONEY推薦的袖珍食玩店放假休息２天。。。噢。。。可惜可惜！
呢度Ｄ舖頭每一家都好有個人風格，賣嘅嘢都無咩重複，正正是香港逐漸失去的多元文化。
第３餐＋第４餐：Isabella's
HONEY推薦的下午茶，佢話全個范特喜入面最似樣，後尾因為超特強大雷雨，飲完下午茶走唔甩，結果原地食埋晚飯！
九份十分飽受殘酷風雨虐待的鐵三角組合喎，你估流架！
咁長篇，係咪又要獨立成BLOG先～
晚餐後，雨勢稍為緩和，用大哥車隊APP入唔到餐廳地址CALL唔到TAXI... 想近近地去誠品綠園道，店主居然好大反應勸我地唔好咁做，話太近，司機會鬧人！但出面仲好大雨喎，成地水氹喎，我又無著防水鞋，唔係咁樣，可以點樣？！
最後。。。CALL UBER！ UBER司機話佢下午大雨到唔敢開車～
逛完誠品就坐TAXI返酒店... 惡夢嘅開始！
⟪待續⟫
沒有留言:
張貼留言