9月1日開學日，對好多莘莘學子黎講，係難忘嘅。。。
對我地一家廿幾口黎講，就更難忘。。。
身心俱疲+病菌入侵+吃不好睡不好， 傷痛過後，累上加累。。。
咩都提唔起勁，腦海一閃，想去新搬黎嘅銀杏館試吓。。。（係呀，就係舊年10月係美孚饒宗頤文化館「被結業」果間鼓勵長者就業嘅社企餐廳呀）
假日午餐及晚餐都係半自助餐形式。。。
最愛土耳其炒飯，份量多到爆。。。黃薑飯炒到粒粒分明，加勁多果仁，YUMMY。。。
加11蚊就送1隻好鬼好味嘅燒雞，抵到離譜，個底仲有薯蓉，淨食呢碟都飽。。。
最盞鬼係自助區竟然有部「童年回憶」棉花糖機，全場最受歡迎，D小朋友入到黎，乜都未食，就要輪住玩一轉先。眼見大家都好有節制，唔會亂咁浪費食物。
今日被咁多長者包圍，心靈好療癒喔。。。（之後幾乎個個星期都黎，哈）
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
銀杏時光 Gingko Moment
地址：鰂魚涌 基利路4號
電話：+852 3480-0331
網址：restaurant.org.hk
沒有留言:
張貼留言