今次台灣之旅的第1餐...
到朋友家中放低行李，身心疲累，不想走太遠吃晚飯，林口Outlet是不二之選！
逛吓逛吓，見到乾杯燒肉，記起好多香港Food Bloggers都超推薦，決定一試！
我錯了！我真的錯了！我真的真的錯了！點會信果Ｄ友講嘅o野o架？！又一次中伏！
嘥晒我Ｄ熱氣Quota！！！
咁又唔係話好難食，但唔係話好好食囉，可能有問題果個係我啩！我比胡同燒肉種壞晒，一定係，除非唔係！
張櫈坐得勁唔舒服，搭枱嘅分水嶺～
我地２個人用１個爐已經好幸福！等陣相裡面左邊呢個爐，要坐５個大男人，睇見都迫。
唔想用腦，點個２人套餐～
肉質同肉味，比胡同差太遠！咁佢價錢確係比胡同平少少，但９成都要自己燒喎，胡同係幫你燒晒喎！無論味道／服務／環境，都係胡同勝～
塊牛排大到咁，無刀叉無較剪，點食？！用咗好長時間搵職員問（佢地真係忙到出晒煙），佢答會幫我地燒。
肉質好韌，肉味麻麻，旁邊個燒汁味道唔掂。。。
有人變態到，連泡菜都要燒熟黎食。。。不過。。。燒熱咗又幾好味喎。。。
好熱氣！仲要唔係話認真好味，浪費晒我Ｄ卡路里Quota！心情好Down...
味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★★☆☆
乾杯
地址：新北市 林口區 文化三路一段356號 (三井Outlet)
電話：+886 2 2606-8522
網址：kanpaiyakiniku.com.tw
沒有留言:
張貼留言