✪行程✪
【第１天】松山機場⇨臺東航空站⇨榕樹下米苔目（午餐）⇨鐵道藝術村⇨米國學校（關山鎮農會休閒旅遊中心）⇨池上九號咖啡（下午茶）⇨巴歌浪船屋民宿（晚餐）⇨聖地牙哥-山海景日出民宿（住宿）
【第２天】緩慢民宿（早餐）⇨北迴歸線地標／靜浦北迴歸線界標⇨都蘭印度咖哩（午餐）⇨安通溫泉飯店⇨舞鶴觀光茶園（下午茶）⇨北回歸線標誌公園⇨瑞穗牧場⇨松邑莊園（晚餐＋住宿）
【第３天】松邑莊園（早餐）⇨台鐵車河⇨花蓮火車站⇨台北車站
20日內玩轉台南、台中、台東、台北！
今個月已經去咗3日2夜高雄+墾丁+屏東+台南，跟手又落咗１日苗栗，２日１夜台中，再１日台中，加埋５日台北拉力早世紀溫泉喪食之旅。。。仲未玩夠？仲要去埋台東／花蓮？唔攰嘅咩？！
３個文叔去旅行の台東／花蓮玩３日２夜溫泉喪食之旅，正式展開！（之前５日都係溫泉喪食之旅喎，究竟大家幾時先肯放過我。。。個肚腩）
尋晚住返間好正嘅溫泉旅館，悶氣全消！
【第３天】
坐旅館安排的免費接駁車到達瑞穗火車站。。。
台鐵。。。惡夢嘅開始！
未知係咪為咗配合春天溫泉酒店，瑞穗火車站起緊新大樓，舊大樓完全無任何電子班次顯示板，亦無自動入閘機，到咁上下時候，阿嬸先彈出來剪票，勁落後！
原本無問題，當懷舊囉！問題係。。。
個個知道我地搭錯車之後，第一個反應就係：問下職員嘛！
嘔血！我地咪就係問咗台鐵職員先至會ＰＫ囉！仲要唔只１個，係連續問咗２個，１００％信任豪無保留地上錯車！
最錯就係問咗２個職員！！！
原定１１：４０ＡＭ到達花蓮。。。
結果。。。
１１：４９ＡＭ去咗池上！！！
其實有一家Ｎ口，係瑞穗火車站下１個站就９衝落車，好明顯，佢地都係被台鐵職員老點！但人地醒目，早發現！
池上火車站站長仲要週圍同裝修工人講，取笑我地香港人坐錯車，大大聲講大大聲笑，喂，咪你地Ｄ好同事搞出黎嘅囉！（呢個站一樣起緊新大樓，沙塵滾滾）
最慘，下一班車要等３０分鐘！！！仲要係最最最最慢車！！！
我真係好想坐飛機返台北，做咩係都要迫人自己坐火車啫，你地就全部坐飛機！！！
去到花蓮已經３：００ＰＭ。
仲要火車上無台鐵便當，連一塊餅一支水都無得賣！！！全個車卡１個人都無！！！
單憑今朝旅館個早餐挨到而家，仲要食完踩咗轉單車消耗咁Ｄ。。。
我無客屎異鄉火車上真係算好好彩！！！
心情跌落谷低，仲要花蓮落大雨，唔行得遠～
想換早Ｄ嘅火車飛返台北，唔想再留係度，雖然第１次來。。。
花蓮回台北火車飛爆到七彩，想提早Ｄ返台北都唔得！團長仲叫我地唔使預先買飛，如果聽咗佢講，我可能當場暴斃！！！
其實大家一齊坐飛機返台北咪好囉～
點解硬要我地受呢Ｄ苦吖～～～
♫餘情未了去又來
回頭又錯偏不改
無奈又無奈離別但未放開
分開飄泊再遇
遇上再分開♫
得唔夠３個鐘，又落雨，飯都未食，唔去得遠，火車站又細又勁霉味又爆多人又搞緊大工程又嘈又塵土飛揚，被迫離開花蓮火車站。。。入咗旅遊服務中心，幫唔到我地，感覺有點癈。。。
出返來，搵咗間距離最近而又未打烊的餐廳。。。
非常非常非常非常難食！！！好難得全餐由頭到尾都難食！！！我聞到職員佢自己炒緊自己份台式便當反而仲香Ｄ咁。。。
茄汁蔬食義大利麵 NT$200
咖啡鬆餅 NT$100
薩爾瓦多咖啡(溫泉) NT$200
新鮮水果茶 NT$160
３：１０ＰＭ落單，水果茶３：５５ＰＭ先上，漏單。。。就係咁。。。我地真係邊度都唔洗去。。。
味道：★☆☆☆☆
環境：★★★☆☆
服務：★★★☆☆
衛生：★★★☆☆
抵食：★★☆☆☆
黑芭比咖啡
地址：花蓮縣 花蓮市 國聯三路10號
電話：+886 3 831-2812
網址：
落住雨，邊度都唔想去！決定返火車站呆坐！
路過曾記麻糬，見到人人都一抽二抽，一買就起碼４-６打，印象中好似話好出名，有台灣朋友去花蓮出差時好似買過比我地食。。。（回家後睇相確認係呢一間）
買咗幾粒，付款後居然送我１盒，雖然仲有２星期就到期，都係啫，喜出望外。。。
味道：★★★★☆
環境：★★★☆☆
服務：★★★☆☆
衛生：★★★★☆
抵食：★★★★☆
曾記麻糬
地址：花蓮縣 花蓮市 國聯一路79號
電話：+886 3 832-3103
網址：tzen1314.com
４點鬆回到火車站（附近大興土木中），見仲有２個鐘先開車，悶悶地，買咗個台鐵便當，雖然明知好難食。。。咁填一填個肚，返到台北可以直接返宿舍休息，唔使再搵食，我今日真係身心俱疲。。。
我地唔可以算係去過花蓮市。。。只可以講，去過花蓮火車站！！！
比台鐵職員害到無咗半日行程，仲差Ｄ餓死異鄉。。。
心情唔ＤＯＷＮ就有鬼。。。
２０１６年嘅ＢＬＯＧ終於寫晒（有Ｄ無咩好寫就當無去過無食過吧啦），而家已經２０１７年７月尾。。。
２０１７年好忙好忙好忙，好病好病好病（返香港大病一場病足３個月）（７月返台灣又再大病一場，元氣大傷，有排都唔會好），我已經無心機無體力無時間，提唔起勁再寫ＢＬＯＧ。。。
將來的ＢＬＯＧ，大家見到就見，見唔到就算。。。
有緣再聚～～～
沒有留言:
張貼留言