跟著週休團長去旅行系列！
期待已久的高雄、墾丁、台南之旅—第1天睇完靚靚風景浸完滑滑溫泉，大家情緒非常高漲，點可以比佢停！
✪行程✪
第一天⇨熊家萬巒豬腳（午餐）⇨最南點⇨鵝鑾鼻公園⇨墾丁夏都沙灘酒店（日落）⇨四重溪清泉日式溫泉館
第二天⇨阿裕牛肉涮涮鍋（午餐）⇨奇美博物館⇨正興街⇨慶平海產（晚餐）⇨長悅旅棧
第三天⇨六千牛肉湯（早餐）⇨成功大學⇨樹有風⇨阿美飯店（午餐）⇨台南市農會超市／假日農市
朝早嘅四重溪清泉日式溫泉館依然係咁靚。。。
露天風呂，住客會有１張ＣＯＵＰＯＮ，朋友們係專業溫泉玩家，帶晒泳褲來嘆世界，佢地都讚酒店個公眾溫泉又靚又舒服。
高松宮宣仁親王（日王明仁的叔叔）於１９３０年同太太ＨＯＮＥＹＭＯＯＮ使用過嘅風呂，今天只可隔住玻璃參觀。
我地間房旁邊左上角的老房子就係。
四腳爬爬都來湊熱鬧。
不捨割愛（寵愛風華之沁呂房）的原因除了房內的特大冷熱風呂之外，還有房外零距離的日式庭園。係房浸完溫泉再坐響房門口吹吹風，果種悠然自得嘅感覺，人生中好似第一次住咁正嘅房間！（ＴＡＴＡＭＩ就經常有得住）
坐喺度沉思片刻，好療癒喔～
酒店份早餐簡單得來食完個胃又好舒服。
早餐後於酒店附近逛了一圈，原來酒店旁邊有免費公眾浴池喔！
要走的終須要走。。。ＩＣＨＩＢＡＮ的溫泉旅館，我地一定要再來！
第一站：午餐於阿裕牛肉涮涮鍋
中午開車到阿裕牛肉涮涮鍋，排隊品嚐溫體牛的滋味，真係好好食囉！牛肉軟嫩鮮甜，湯底都可以飲幾碗，臨尾老闆娘唔知係咪見我哋食滯咗，停晒手，搞到要親自出手涮埋最後嗰幾片牛肉分畀我哋食。
味道：★★★★★
環境：★★☆☆☆
服務：★★★☆☆
衛生：★★★☆☆
抵食：★★★★☆
阿裕牛肉涮涮鍋
地址：台南市 仁德區 中正路一段525號
電話：+886 6 266-8816
網址：www.facebook.com/387773411301627/
第二站：奇美博物館
偽文叔下午到奇美博物館走一趟，裝懂欣賞藝術品，最後當然要喺仿凡爾賽宮同白宮嘅建築物前面留倩影。（博物館內不準拍照）（其他人一早去咗嘆茶）
第三站：正興街
參觀完奇美博物館，坐的士趕到正興街同大隊匯合，打算品嚐泰成水果店瓜瓜冰，天呀，竟然今日公休，有冇搞錯？！(唔做生意但有3個阿姨不停切水果)
失意下喺附近飲杯珍珠奶茶，等齊人再出發。有一半人去按腳，我哋就去行文創Market同週圍逛吓。等夠鐘再會合去慶平海產揀游水海鮮刷餐勁。
第四站：晚餐於慶平海產
是晚亮點「處女蟳」！
D膏滑到呢！膽固醇萬歲！
薑蔥炒龍蝦都相當正，Ｄ肉仲大舊個包ＴＥＭＰＯ！炸魷魚都好新鮮。但龍蝦粥太多胡椒粉，No Good。最差係琵琶蝦，Ｄ肉嚡到呢，無人肯食。
離開時因為朋友留低咗部電話，搞咗個大笑話，笑到全車彪眼水。
又西瓜刀（手機）又慕蓮（蓮霧），本身已經飽到條腸就黎爆，仲要係車上面笑唔停。。。唉。。。好辛苦呀，救命！司機，唔該前面有落！
味道：★★★★☆
環境：★★★☆☆
服務：★★★☆☆
衛生：★★★☆☆
抵食：★★★★☆
慶平海產
地址：台南市 安平區 安億路462號
電話：+886 6 297-1985
網址：chi-ping-seafood.com.tw
第五站：長悅旅棧 CHANGYU HOTEL
夜晚間商務酒店房間細細，應有盡有，相當舒適。
今晚應該係我係台灣咁多日以來，最爆笑的一天！謝謝２位從上海來的港客，短短２天，帶比我地咁多歡樂。（估唔到出發前大家只係飲過一餐下午茶，呢２日咁快就ＷＡＲＭＵＰ晒）
雖然部電話壞咗搞到影相好麻煩，但係一段美好嘅旅程，回憶先係最重要！
沒有留言:
張貼留言