路線：香港回歸紀念塔（大埔海濱公園內）⇨元洲仔公園⇨吐露港公園⇨科學園（下午茶）⇨白石角海濱長廊⇨馬料水海濱公廁（沙田凱悅酒店對出）⇨回程：大埔海濱公園⇨香港回歸紀念塔老友相聚終於不再食食食。
今日健一健佢。
去大埔踩單車！！！
台山四寶台柱之一阿ＫａＫａＭａ即時玩失蹤囉！
龍媽今日帶埋老公，同貓兄３個人３部私家摺車。（香港人真有米）
我呢Ｄ肥鬼，畢業後都無去過大大埔踩單車，當然係去到先租車啦。
♫晨早空氣清新開朗
陽光溫暖帶來無限美♫
Ｈｏｎｅｙ Ｒｏｏｍ Ｓｅｒｖｉｃｅ～ Ｃｏｆｆｅｅ ｏｒ Ｃｏｆｆｅｅ？
食午餐先？定踩單車先？班友仔意見不一，好恐怖！我都係自己打個底先穩陣Ｄ～橫掂早咗到習合點。
１３：１５ 大埔海濱公園
香港回歸紀念塔前面租車，租車還車都有Ｄ問題！有Ｄ少爭辯，最後老闆娘開竅，退讓了結。
租車：我起初係租細車，前面有籃放袋，點知試車時發現車鈴斷爛，無法發出警告鈴聲！唔換車唔得啦。Ｄ職員叫我揀車先，再安籃。我都未揀，就隊咗呢部大車比我，我話咁大個車轆我驚踩唔到喎，職員話：你高嘛。ＯＫ，你咁講，我想唔接受都唔得啦。（其實我只係單腳尖緊緊掂到地）
龍媽叫我租２小時，佢收我６０定７０，好似係。（半日租１００）
還車：飲下午茶都飲咗１個鐘，回程大家仲想再踩去大埔海濱公園，中途經過單車店再問清楚半日租，老闆娘見到架單車就話「優質車」唔係我剛才比的價錢，我即刻話：我頭先唔係要租呢架車。老闆娘見勢即轉身閃人。
再三問清楚「半日租」價錢，最後都係唔清唔楚！真的有刻意隱瞞成份！到５：３０真係還車時，居然話我一開始係斷鐘計，就一定係斷鐘計，唔可以轉半日計！ＷＨＡＴ？！
我剛才表明想繼續玩多陣，係咪１００蚊？當時係講係１００蚊。如果要斷鐘計我即刻還車啦，唔會再踩多陣！我不定重複強調呢個ＰＯＩＮＴ！強烈Ｄ！再強烈Ｄ！死都唔就範！終於，老闆娘就範，秒速變ＮＩＣＥ咁話：好啦，記得下次再黎玩啦！（好，就憑你呢句，我下次返來都會幫襯返你）
其實１００蚊半日我都覺得貴，唔怪得佢地３個都買私家單車。
又其實老闆娘所言非虛，架單車真係幾優質，上隧道完全不費吹灰之力，睇見成村人上到一半就落車推，內心有點爽，嘿嘿，好衰。
元洲仔公園
貓兄一開波就炒車。路過嘅高手好好人，停車係佢身後保護佢免被後來的車車到，見佢起返身無大礙先叫佢泊返架車上行人路先。
踩唔夠１個鐘就去到科學園食下午茶。餐廳個ＶＩＥＷ真係幾正。
就憑佢凍飲要加３蚊，我斷定佢唔係高級餐廳，極其量只係貴價茶餐廳。
食物味道一般啦，唔難食。
味道：★★★☆☆
環境：★★★★☆
服務：★★★☆☆
衛生：★★★★☆
抵食：★★☆☆☆
Tom Bar & Grill
地址：香港 沙田 白石角香港科學園科技大道東16E號海濱大樓二座地下S088-S089號舖
電話：+852 2210-7071
網址：http://tombargrill.com/
吹陣水，繼續向沙田方向前進。
回程見到沿途好多人ＰＫ流血受傷，救護員同警察都出動埋，條路好窄人多到爆，新手難免受傷，ＨＯＮＥＹ唔適合黎呢度玩，都係去返圓山花博安全Ｄ。
馬料水海濱公廁
大埔海濱公園
臨尾想影張單車大合照啫，呢對情侶想點呀？我地４個其實已圍起個ＣＯＲＮＥＲ，佢地係都要ＺＩＰ入去。仲拍戲咁，ＮＧ咗好耐先肯出返黎。
ＣＵＴ！全世界收工！
老友聚頭，暴食吓都好正常啫！龍宅私房菜。
飯後甜品—秘制Ｖ仔韓國年糕！
成班呃ＬＩＫＥＲ，整色整水，玩咗Ｄ年糕幾鬼耐呀，終於影完呢張相肯收手喇～
晚安！謝謝款待！
沒有留言:
張貼留言