搬屋抺屋攰到病，成個新年都唔敢出街，新春唯一節目係初三赤口同屋企人飲茶，飲完茶徒步入南生圍。
南生圍，聽就聽得多，去我真係第一次。原來那麼遠，這麼近。
坐橫水渡都幾恐怖，又無救生設施，Ｄ河水同屎水無分別（居民去大去小都係直接ＤＵＭＰ ＤＵＭＰ ＤＵＭＰ到河中），仲有貝貝Ｄ表姐表妹唔知幾時現身。
過到去，咪又係咁。可能今日天氣唔好啩。風景未如想像般優美。同埋行唔夠２步，開始落雨，大家都無帶遮，仲唔轉身閃咩。Ｄ細路都問：點解要黎呢度？黎呢度做乜？（嘿，都係姑媽唔好，要成家人陪佢癲）
走先慘，橫水渡Ｄ龍長到爆，排咗半粒鐘都有。
聽聞踩單車有第２條路入，如果下次踩單車入來都可以考慮，坐橫水渡就唔好再預我。
沒有留言:
張貼留言