回港不久，忙搬家跟大掃除，體力不支再加上病了好久，被關家中多天，身體稍為能動就心癢想躝街～知我者莫過於貓兄。
果朝先ＷＨＡＴＳＡＰＰ我問我一唔一齊食ＬＵＮＣＨ，有得躝街，仆到出去啦～
因為佢開會開耐咗，我企係尖沙咀地鐵站九龍公園外面呆等咗一陣，有遊客攞住地圖問路，我都唔係好知Ｄ大廈名，睇完地圖就指出方向。
佢有Ｄ猶豫囉，強調去買小熊曲奇，問我知唔知係咩。（嘿，大我？！我Ｎ年前去過赤柱元祖店，其他分店真係唔知開係邊）
佢繼續猶豫話行入地鐵會唔會好Ｄ，我好大反應同動作：行入地鐵要行好遠好遠，地面直線就到。
佢有少少被迫就範嘅感覺。。。臨走補句：你好似唔係好識路咁嘅。。。（呀哈哈哈，鐵板神算都無你咁準，其實我都好耐唔曾返香港）
我更大動作（更可疑）答：唔係，咁我地平時唔使望地圖架嘛，低頭玩手機唔望路就行到去。。。（好牽強）
貓兄來到，講返佢聽，去到果句「你好似唔係好識路」時，當場噴笑，話我比人睇穿。確實又幾好笑嘅，話晒我係ＭＡＤＥ ＩＮ ＨＯＮＧ ＫＯＮＧ！
跟手貓兄話帶我食好野，為食的我就跟著貓兄行，我都係憑記憶上ＧＯＯＧＬＥ地圖搵返間餐廳出來。
午飯時間接近ＦＵＬＬ ＨＯＵＳＥ，有ＢＡＲ枱坐都照殺啦。
影第１張相（餐牌），身旁西裝男嚇到成個彈起＋側目，我唔敢再影餐廳內部。
個餐睇落唔多野，但食落好感受到果份對食物的熱誠同堅持，好耐無係香港食過咁正嘅日本定食，重點係價錢可接受。
果３舊蟹腳，啖啖肉，鹹鮮到不得了，淨係食佢已值回票價。
蟹膏壽司都好正。
先生，你邊位？（嚴重失憶）
芝麻雪糕。
其實我近年麻麻地鐘意上鏡，為咗引吓無份食好西嘅四寶成員，破例自拍。
飯後貓兄一盡地主之誼，帶我遊覽吓ＨＡＲＢＯＵＲ ＣＩＴＹ。（欸，喎腥梘忍耶）
咔咔咔咔，誠品尖沙咀我堅係第一次行晒耶。
好酸ＤＥＲ～（原本係去飲咖啡的，但間咖啡店ＡＬＷＡＹＳ ＣＬＯＳＥＤ）
味道：★★★★☆
環境：★★★☆☆
服務：★★★★☆
衛生：★★★★☆
抵食：★★★☆☆
大阪日本料理
地址：香港 尖沙咀 亞士厘道14號
電話：+852 2376-3323
網址：https://www.facebook.com/Res.osaka/
沒有留言:
張貼留言