苗栗３日２夜行程：棗莊（午餐＋下午啡）⇨明德水庫日新島（散步＋下午茶）⇨竹美山閣溫泉會館（晚餐＋留宿＋早餐）⇨清安豆腐老街（午餐）⇨龍鳳漁港（賣海鮮）⇨岸之溪休閒會館（晚餐＋留宿＋早餐）⇨飛牛牧場（午餐＋散步）⇨苗栗勻淨湖（下午茶）
今天的事今天做！今個月的遊記今個月寫BLOG！（舊年７月至今年２月果Ｄ遲Ｄ先算啦）
向世界出發！
第１次用自助寄行李。（指係香港，２０１３年係南澳已經玩過，人地真係全自助，香港搵個ＣＸ職員閘住檢查ＰＡＳＳＰＯＲＴ，條龍仲長過正常寄倉，好後悔排咗自助）
台灣喎，當然要食返個麻辣火鍋啦！太豐富！太飽！太內疚！（寒流呀，加埋風大雨大，得攝氏１２度咋，陰公）
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
旬辣本舖
地址：新北市 林口區 文林六街15號
電話：+886 2 2606-8250
網址：www.facebook.com/FreshSpicy.hotpot/
翌日冒雨陪Honey去學炒咖啡豆，一心想試坐剛通車的機場捷運，比的士司機老伯伯成功遊說咗我地直接從林口坐的士到內湖，坐咗８百蚊台幣呀大拿拿！唉，見佢咁老，好難拒絕，當幫吓佢。（要等到暑假先有機會再試機場捷運啦，嗚嗚）
自薦幫手揀豆，理由是：雞蛋裡面挑骨頭係我強項，嘩哈哈哈～
咖啡豆炒前炒後都要篩選Ｄ壞豆出來，聽講食咗１粒炒好的壞豆，個口會苦足２個鐘。（正想放入口時被制止了）
老師今日好開心，仲教埋我插花，１蚊學費都無比，又學炒豆又學國語又學插花，賺到盤滿缽滿，嘩咔咔咔～
回正題囉～
苗栗第１站—客家菜午餐＠棗莊
價錢相宜（以遊客區來講），份量大，大部分餸菜味道都ＯＫ合口味，推薦！
客家人食客家菜！梅菜扣肉ＯＫ掂，紅棗饅頭有驚喜，好好食，好想買幾打返屋企。
話說，我兒時未食過餘下其他菜式。
紅棗醉雞
紅棗芋蒸糕
椒鹽肥腸
脆皮豬腳
筍同高麗菜都係用腐乳炒。
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★★
棗莊古藝庭園
地址：苗栗縣 公館鄉 福星村館義路43之6號
電話：+886 3 723-9088
網址：tzao-juang.com.tw
路過桔仔店，見到柿餅2個字，雙眼發光，食到超飽都忍唔住手買咗包柿餅食，ＮＴ＄１５０，太有質數！大大力推薦！（超好味唔會死甜，Texture仲好柔軟好Juicy，柿餅黎講算好新鮮）
我同柿餅舖阿姨講「喎屎嚇街鹽」，阿姨一輪咀爆一堆客家話出黎，我比佢嚇窒咗，跟住我樣衰衰笑住話：我只係識呢句！嘻嘻～（苗栗係客家人重地，７成都係客家人）
有櫻花呀！有櫻花呀！有櫻花呀！（停車場都種滿櫻花，台灣人太幸福）
食到超飽，又話坐低飲杯咖啡，唉，跟呢個團實肥死。
紅棗醋 NT$100
我一咬話好新鮮，食神仲寸我「新鮮就係柿，唔係柿餅啦」！（我。頂）
食神開頭唔肯食，話怕甜。我咬咗一啖話好正，唔會太甜，係咁叫佢試，佢試完都話正，第二晚係民宿晚餐後茶聚，得返2片，我放咗出黎轉個頭已經唔見晒，原來佢搶食。
唔知大家有無留意到呢？所有食物同飲品都係紅棗前紅棗後，無錯，呢度就係紅棗嘅故鄉！（苗栗縣公館鄉：全台灣唯一紅棗生產區）
咖啡吧後面是小動物之家。
探完白兔， 離開咖啡店， 浪漫藝術家阿姨聽見我地講廣東話（阿姨來自順德，都係講廣東話），熱情地邀請我哋入去間屋參觀、買花、影相留念。（係溫泉旅館晚餐時，阿姨打電話來，問係咪有人漏咗件外套係咖啡店，初時大家都話無，原來係團長漏嘅，團長笑住話係台灣真係好難漏低o野）
呢棵粉紅色的花，不單外表靚，捽下Ｄ葉會散發百香果的香氣，好神奇！好想買返香港呀！
苗栗第２站—明德水庫日新島
明德水庫日新島
地址：苗栗縣 頭屋鄉 明德水庫
電話：+886 3 735-2961
網址：thcdc.hakka.gov.tw
苗栗第３站—竹美山閣溫泉會館
揸車上去，去錯整路掘頭巷，要20手軚先出得返來。架車去到酒店門口，仲要再泊上山，然後坐Shuttle落返嚟。
完全不推薦！溫泉水唔掂，房內外設施唔掂，餐廳服務同食物更唔掂！
粉藍色碳酸泉同烏來一樣，但一Ｄ都唔滑。房內無浴衣、無鞋杖，明明網上同酒店書仔都有戶外溫泉，去到先話無咗！
晚餐時段只有五點半、六點、六點半， 朋友放學開車過來最快都要七點先到 ，我哋強烈要求七點先至可以七點食，職員強調唔可以再遲。
進入餐廳時，我地國語唔好我地有自知之明，門口個職員笑到個身震晒，表情好鄙視，團長夫人都忍唔住問佢：你笑緊我地呀？（係台灣玩咗咁耐，第一次有咁難堪的感覺）
晚餐食物得個樣味道好唔掂！南瓜湯冇南瓜味，條魚腥㗎 ，最好食嘅係團長夫人自己帶去嘅蓮霧同菠蘿。
仲食緊自備生果餐廳職員已經趕人走，秒速落去Lobby買個杯麵上返嚟已經燈都熄埋 。
食完飯，去團長間房飲茶食生果，傾到半夜先返房浸溫泉。
第二朝早餐蘿蔔糕無蘿蔔，大家最不滿唔係呢樣，而係佢自稱＂港式＂蘿蔔糕，影響香港形象！
大堂
客房
書仔話２００蚊３個的小瓶子是沒有貨的。
台灣人的隨性，係呢個風桶度，表演得淋漓盡致。說真的，之前遇到的大部分台灣人對生活都很有堅持，這個是特別的例子。
一Ｄ都唔滑，甚至有Ｄ嚡的碳酸泉水。Shower果便D水，要開５分鐘以上先開始暖暖地，好差！（隔離房話開咗１０分鐘都唔熱）
外面咩都無，唔好諗住週圍行吓。
去到先話而家無咗嘅楓葉湯。
餐廳係客房同層，行幾步就到。
房價唔包晚餐，去到要另外加錢。
７人枱都無，要分開２張枱坐，傾起計來無晒癮。坐卡位，服務員上菜係隊比坐外面的客人，要坐外面的客人傳入去比坐入面的客人，張枱唔係好大啫，Ｄ食物難食到咁，再加上咁頂呱呱的服務，心裡當然百般滋味。
早餐餐牌好似好多野揀，只有清粥同荷包蛋同烤地瓜同炒時蔬食得吓。
來台多日一直下雨，只有呢個Moment，比較見得吓人，食完早餐又回復煙雨朦朦。
味道：★☆☆☆☆
環境：★★★☆☆
服務：★☆☆☆☆
衛生：★★★☆☆
抵食：★☆☆☆☆
竹美山閣溫泉會館
地址：苗栗縣 泰安鄉 錦水村橫龍山35-1號
電話：+886 3 794-1889
網址：cedarwood-villa.com.tw
《待續》
沒有留言:
張貼留言