台山四寶新春暴食團拜！
吃韓燒是常識吧！
尖沙咀的韓燒已吃過幾十間，多年來加起來可能有近百間，今日呢間真算是馬有失蹄之代表作。
寫文唔代表推薦，ＯＫ？！睇路呀，各位大佬！
☆我出名「寫日記」，班偽ＫＯＬ係背後唱。（好似係，除非唔係）
☆寫文只為記錄生活點滴，以防自己老人痴呆唔記得晒Ｄ野，由２００６年寫到２０１７年，一直無忘記初衷！各位靠ＢＬＯＧ搵餐免費飯食嘅，我唔係你ＣＯＭＰＥＴＩＴＯＲ，ＯＫ？！
差到連間餐廳叫咩名都唔記得，搵吓ＷＨＡＴＳＡＰＰ先呀。。。
我回歸都唔夠２星期，搬屋抺屋做到矇，餐廳嘅野，得鬼閒睇，都係靠朋友揀。好壞都收，唔會怨人，有伏齊齊中。
太多ＢＬＯＧ積壓，舊年７月都未寫，無時間再慢慢打菜名同價錢，各位大大，麻煩你地自己睇餐牌啦～
未煮過嘅洋蔥同蒜頭，唔敢吃，怕胃痛，交比貓兄。
２人餐嘅牛大排同雞肉，睇色澤同肉質都知，唔使搶食。今餐大家食得好禮讓。（平時，食慢Ｄ都可以未夾過成碟餸清咗碟）
成條牛肋骨唔剪放落爐烤，真心第一次見，夠位咩阿姐你覺得？！
印象中無食過薄到咁嘅泡菜煎餅，味道唔吸引之餘，仲幾乾硬吓。
人參雞湯Ｄ糯米團結過泰國Ｄ西米糕。味道ＳＯＳＯ。
出奇地第一次食到唔會搶食嘅五花腩，佢肉質好奇怪，彈性超強，強到o趙好耐都o趙唔開，大家都處於放棄狀態，你推我讓。
唔好味嘅炒粉絲，完。
佢地出發前好強調嘅任添前菜，服務員阿嬋好悔氣咁話：唔係無限，係合理地加！
話實，有螄蚶我覺得係有誠意嘅，但我唔敢食，所以唔會加分。重點係，大部分前菜都唔好味，食完１ＲＯＵＮＤ已經太難，我地只要求加２碟薯仔同１碟黑豆，就要聽Ｄ咁嘅說話，之後仲要見到服務員離遠企埋一堆啤過黎，感覺當然不好受。（其實碟黑豆都幾硬，不過仍地話添就添啦）
事後，即係而家寫緊ＢＬＯＧ時，真係好可疑，典解佢地咁強調任添前菜，即管去佢地有機會去搵料嘅網站睇睇，果然。。。（我地真係好無辜囉）
飲品唔重要，後面張枱先係重點。ＫＡＫＡＭＡ整餐不停碎碎念，話服務員唔比佢坐呢張枱，話有人訂咗，係５人枱，你地得４個人。結果，全晚都無人來。
除咗食物同服務麻麻，環境ＴＨＥ ＳＡＭＥ。空氣唔多流通，食到一半已經煙燻到眼痛。
食完例牌轉場食甜品，原本想去ＳＮＯＯＰＹ ＣＡＦＥ，貪佢好坐又唔趕人，ＫＡＫＡＭＡ又唔肯話飲品唔啱飲。結果又係去返ＴＨＥ ＯＮＥ嘅宏，而家貴晒，杯白亳個壺仲要細到嚇親，細Ｄ可以裝少Ｄ茶葉結果係無茶味。曾經係大家至愛，佐敦果陣，下次應該唔會再去。
食飯前餓到腳震，再加上遲到大王講到有排都黎唔到（最後竟然係第１個到），我心慌慌咪去咗吉仔島買咗個又凍又油嘅南瓜餅來食，大家都阻止唔到我嘅愚蠢行為。
味道：★★☆☆☆
環境：★★☆☆☆
服務：★★☆☆☆
衛生：★★★☆☆
抵食：★★☆☆☆
石牆道韓國餐廳 Dol Dam Gil Korean Restaurant
地址：香港 尖沙咀 金巴利道27-33號永利大廈地下20及22號舖
電話：+852 2311-9878 / 2311-9879
網址：https://www.facebook.com/DolDamGilHK/
沒有留言:
張貼留言