【台北】褓母半天遊。米朗琪咖啡館❤１０１❤士林夜市

28 October 2016, Friday

讀大學時的Program Officer，照顧得大家無微不至，所以稱之為褓母，哈哈～

難得佢帶埋２位公子來台北玩，我當然要仆到出去啦～

有小朋友同場，唔適宜去太專業的咖啡店，去佐曼咖啡館比較穩陣，食物同飲品都比較多元化。



舊食評：http://www.kenmerry.com/2017/04/Jumane.html

原本諗住飲餐茶就完，小朋友們好熱情地邀請我地一齊去１０１。。。盛情難卻，更何況係小朋友。。。


ＨＯＮＥＹ陪佢地上咗觀景台捉ＰＯＫＥＭＯＮ，我畏高，去ＦＯＯＤ　ＣＯＵＲＴ嘆燈泡奶茶。

原本諗住散水，小朋友們好熱情地邀請我地一齊去士林夜市。。。有無咁鍾意我地呀？！識咗幾粒鐘咋喎，哈哈。。。

晚餐係士林夜市掃街。。。冰糖葫蘆，火焰粒粒牛肉，大魷魚，牛肉麵，烤芝士生蠔。。。仲係１３座牛雜門口撞到李純恩合照兼請我地食古法蛋糕。仲布勁多攤位遊戲。開心到唔知時間，差Ｄ趕唔到尾班車，好彩飛的去緊緊搭到最後一班巴士。


多謝２位小朋友玩得咁盡興，令我更有信心轉行做女地陪。（領隊係帶你出發果個導遊，地陪係目的地接待果個導遊）