一生必要去一次的清境農場，我終於來了！
重申：正值暑期旅遊高峰期，幾日前先訂房，有得瞓都偷笑，唔敢有要求，包括晚餐、早餐及房內設施。缺點多多，零晨時分觀星卻是地點一流，Honey的360相機+Planet效果更是誇啦啦～
6:00PM 到達民宿
呢間係民宿入面嘅餐廳，外觀確係幾唔錯嘅～
由於無晒房嘅關係，無得揀嘅情況下，揀咗觀星樓中樓4人房～
我地今晚住呢度，行出房外，從旁邊嘅樓梯可以行上房頂嘅觀星平台，Honey今晚3點幾到5點幾會molala係度打蠆～
房內梳化... 嗯... 有點舊～
浴室無浴簾，沖完涼Ｄ水漏晒出來，濕到水浸咁！好彩好出奇地房內有部抽濕機，抽咗成晚到第２朝終於乾咗９成～
房內設備仲有電暖氈、ＷＩＦＩ、拖鞋、毛巾，全部都無用過。
最最最最恐怖嘅，係水！水源要到房外面的冷熱水鐵箱（快餐店茶水間好大座果種）斟，本以為好隱陣啦雖然有少少唔方便，點知，Ｄ水入面勁多黑色浮游物，同廁所開水喉一樣咁多黑色浮游物，ＯＭＧ！我點敢飲落肚呀？連洗面都驚會入眼！無預先買定蒸餾水作晚間飲用，附近山路又黑又斜，口渴只好強忍，結果忍出個病來，睇足一個月醫生。
網站話：挑高樓中樓天窗設計 夜晚在星空懷抱下入眠
房間？又唔可以稱之為房，因為無門。天窗花晒，好朦，原本唔期望可以經佢睇到星，點知夜晚３點紮醒，帶個眼鏡一睇，嘩，勁多星！就係咁，Honey初時出露台影，影影下又走出房外，上咗天台影，影到天光影埋日出先返來再瞓一陣。
房內樓梯往樓下，都係無門的。
露台景觀，的確無敵。
走到房外，看到附近的房間好像更美。（吃不到的葡萄是特別甜的，哈哈）
我地間房好入，出入都要走天梯，加上高山反應，有點氣喘。
晚餐於民宿餐廳，房租不包括晚餐，要另外比錢。
餐廳外的景觀。
除了椒麻子雞外，其他餸菜味道都不太好，大家都慶幸有叫雞！
聽朝早餐都係呢度，房租包早餐，同樣係好難食，現場仲好多烏蠅飛來飛去。
Honey的360相機+Planet效果，１００分滿分的話，我比４００分！
我的手機影的，黑漆漆一片，嘿嘿。
ＰＳ谷光張相後，其實真係好多星。
被星海包圍，美呆～
建議大家去到清境農場晚上別睡覺哦～
娜嚕彎渡假景觀木屋民宿
地址：南投縣 仁愛鄉 大同村仁和路206號
電話：+886 4 9280-3099
網址：www.naluwanvilla.com
沒有留言:
張貼留言