【五股+林口】維格鳳梨酥夢工場DIY體驗+三井OUTLET 半日遊

24 April 2016, Sunday

Honey的朋友Book咗維格鳳梨酥DIY，邀請我地一齊去，我一聽見係烹飪班，不加思索仆到去，點知...




去到見到呢個畫面，個心即刻沉晒。


我可以做嘅，就只有... 將皮同餡搓長，切做相約份量，將皮包餡，搓圓，塞入焗模，洗手走人。







我好後悔，今朝倒塔咁早起身來呢度。

期間，教我地步驟個男職員不斷催促，又唔肯幫我地影大合照，語氣極度差劣！後來我先知，佢原來係一個"Sell屎"。

我地果盤鳳梨酥秒間已被職員攞咗去焗，個男職員不斷催促我地去參觀夢工場。


菠蘿之旅正式展開～


進入菠蘿肚之後，真心覺得呢個鳳梨酥DIY體驗同埋夢工場係設計比小學生玩～





參觀夢工場尾聲，一人派一粒新鮮滾熱辣啱啱出爐嘅鳳梨酥。


直到目前為止，一切只是虛招。戲肉而家先到！一人一張，拎實Ｄ！


試食活動！


除咗食物，仲有一堆公仔。





好有計劃的購物區～唔夠台幣咩？多多都有得唱～拎張Form去比完錢先可以取貨，連埋剛才DIY體驗被焗好的鳳梨酥。




我剛才話教我地鳳梨酥DIY步驟個男職員，不斷催促我地，又唔肯幫我地影大合照，語氣極度差劣果個呢，Suddenly賴熱心囉，前後判若兩人！

"Sell屎"先生，你剛才點對我地，我仲記憶猶新！

但基於唔想失禮朋友，所以都象徵式買咗２盒特產。


完成鳳梨酥DIY體驗，下一站：林口三井OUTLET！

上個月開張時來過，當時完全無Discount！

今日再來，叫做開始有返Ｄ折扣，不過唔記得帶Passport同入台証係身，無得退稅，所以都係忍手。



間間餐廳都排長龍，最後揀咗春水堂，雖然我覺得Ｄ食物麻麻，但係佢杯珍珠奶茶係真係得，反正Honey朋友太太點名要飲，有位坐有野食大家開心咪好囉。

離開時，Honey朋友佢地直接去桃園機場返香港，我地就試坐OUTLET嘅免費Shuttle Bus走，都相當方便，又唔使排好耐，架車又唔滿人，返到捷運三重站轉一轉車就得。