【台北】三宜咖啡館：愜意的新北投小綠洲

14 August 2016, Sunday

為咗捉小精靈，你可以去到幾盡？

自從Pokémon Go(寶可夢)登錄台灣，我哋每日都早出晚歸，自然要順便搵下新餐廳慰勞一下辛勞嘅小精靈訓練員啦～

呢日來到傳說中非常非常非常之多小精靈嘅北投公園，捕捉小精靈之前去嘆個下午茶先～

我而家搵新餐廳都係去Google Map搵Rating4分以上嘅餐廳，再睇下comments慢慢揀出心頭好。不過今日都唔使點揀，因為新北投捷運站一帶嘅商業生態都幾唔平衡，撇除連鎖經營咖啡店有兩間，有特色嘅小店Cafe我只係見到一間。

Coffee Shop喺正捷運新北投站對面，喺民居嘅地下，餐廳入口旁有一片綠油油草地，未進入餐廳前都感受到生活就是愜意。


餐廳中央有張超大High Table，亦有好舒適嘅軟梳化，可能因為附近冇乜優質小店，我哋入去時Full House，好彩咁啱有人走先有枱咋！之後見好多人再入嚟都冇位啦～



見2人下午茶餐幾抵食，毫不猶疑Order咗。

雙人優惠套餐組 NT$400：鬆餅+火腿三明治+蘋果汁/美式咖啡2杯

杯墊好有特色，每一個都唔一樣。我要咗蘋果汁，Honey加錢要咗荔枝甜酒巧克力。


三文治上枱時真係嚇一嚇！點解咁大舊㗎？！同我哋香港食開嗰啲用方包切做三角形嘅三文治體型差好遠囉！仲有個窩夫點食得曬呀？！


窩夫有麻薯同埋地瓜蓉揀，麻薯窩夫周圍都有得食啦，地瓜蓉窩夫咁特別，梗係要試下啦！



食物好好味，價錢又便宜，坐得又舒服，難怪會咁爆，誠意推薦俾大家！

是日戲肉... 抓寶抓到手軟的北投公園！

現正上演：小精靈訓練員的日與夜！哈哈哈～


一落車就捉到 Lickitung (大舌頭), YEAH!!!!!!!! 新北投果然係寶可夢嘅溫床，今日無o黎錯！


北投公園瘋狂「落櫻」～



哈哈 ，比隻紅尾蜻蜓分散咗我抓寶嘅注意力添～


有有心人制作咗Dratini (迷你龍) 同 Dragonair (哈古龍) 嘅蛇竇Google地圖，Ｄ料堅過石堅，我都係因為睇咗呢張地圖先來探險～



圖書館外聚集的人群的其中一個角落，夜晚多幾倍。


估唔到離開行緊去捷運站果時仲有Dragonite (啟暴龍)，礙於我驚跟後生仔跑會唔小心入咗人地影緊Video嘅鏡頭，更驚人地PO埋上Facebook到時就真係光宗耀祖喇(曲)，所以我無跑，扮鎮定，慢慢行，行到去見到人人都捉緊啟暴龍，連年紀比我大的阿姨都捉緊啟暴龍，我就乜都無得捉，內心的失落與悔惱，如果你有玩，你懂的。終於明白點解Ｄ人要暴走。

花邊新聞：餐廳附近的免費溫泉足浴，之前來過幾次新北投都唔知係邊，今日終於比我搵到。


大熱天時都咁多人浸？！



味道：★★★★☆
環境：★★★★☆
服務：★★★★☆
衛生：★★★★☆
抵食：★★★★★

三宜咖啡館 Triple E Cafe
地址：台北市 北投區 大業路719-1號
電話：+886 2 2896-3101
網址：https://www.facebook.com/tripleEcafe