為咗捉小精靈，你可以去到幾盡？自從Pokémon Go(寶可夢)登錄台灣，我哋每日都早出晚歸，自然要順便搵下新餐廳慰勞一下辛勞嘅小精靈訓練員啦～
呢幾日都係來傳說中非常非常非常之多小精靈嘅北投公園，捕捉小精靈之前當然要醫飽個肚先啦！尋晚中伏於不少遊客向我推薦過蓬萊精緻台菜，今晚都係靠自己吧啦～
係Google Map搵到呢間Rating 4分的日本餐廳，係正北投公園對面，大熱天時，唔想再行咁遠，就呢度啦～
係星巴巴樓上，樓梯好窄好斜，僅僅夠１個人上落，從大街上抬頭秈到的餐廳招牌好簡單唔多吸引，時間尚早，進入餐廳時僅得我地１枱客，阿姨見到我地的手機已經知道我地嘅職業－小精靈訓練員！就帶我地去窗邊笑住話：這裡很好抓！
簡單的一句說話，就輕易打破了隔膜，大家都忍不住哈哈大笑。
老闆娘落單時有推薦刺身，話好出名的，強調佢地係度做咗廿幾年，不過我地腸胃唔好，唔食得生o野，只好婉拒，之後老闆娘推薦原個蕃茄。
原來老闆娘下午落場時都有去北投公園捉小精靈，仲話有跟Ｄ後生仔一齊跑，好有活力呀！比著我就跑唔郁喇～ 老闆娘仲講笑話呢區D鴨多到可以拿去烤，哈哈～
之後Honey發現原來呢度個師傅係去日本學藝的，好利害呀！失敬，失敬。
烤鮮魚定食 NT$348
－新鮮鯖魚，好好味！全舊只有１條骨，食得好開心。前菜酸咪咪好開胃，好味。蒸蛋好滑，入面仲有隻蜆。
薑汁炒牛肉定食 NT$318
－落單前有講係重口味，我覺得個汁似我地香港嘅紫薑菠蘿雞果隻味，都ＯＫ的～
蜜蕃茄 NT$50/份
－冰凍梅子糖漿原個蕃茄，超好味！阿姨話要原個咬唔好切開先試到果種風味，我國語唔好聽得唔係好清楚，哈哈～
離開時就有１１名香港遊客入內吃飯，老闆娘話好彩我地來得早。
食物好味，環境舒適，態度友善，價錢又唔貴，結果，第２日，我地又再來食啦！哈哈哈～～～
呢個老闆娘推薦嘅白筍，煮熟再冰鎮蘸ＢＢ沙律醬，好好味～
之後都試過附近２間日本料理，都係覺得呢間食物水準比較好比較正宗，另外２間骨子裡只是Fusion多國菜而已。
是日戲肉... 抓寶抓到手軟的北投公園！
現正上演：小精靈訓練員的日與夜！其實係餐廳內已經抓到手軟，哈哈哈～
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
掬月亭
地址：台北市 北投區 光明路218之4號
電話：+886 2 2895-5093
網址：
沒有留言:
張貼留言