【烏來】烏來Spring Spa溫泉山莊：睇唔出係民宿，仲攞過獎

19 March 2016, Saturday

《續》烏來。泰雅仙境Spring+Spa 2日1夜溫泉之旅

行程：烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

離開烏來瀑布，就開車返去酒店checkin。

其實我哋去烏來老街之前係先去酒店，不過當時話未可以checkin住。

我都係幾個月後嘅今日，寫Blog時係網上搵資料先知道，原來間酒店原來係民宿，從外表一啲都睇唔出囉，仲攞過《新北市魅力民宿》及交通部觀光局頒發的《好客民宿》雙項殊榮，從間酒店嘅外表真係點睇都睇唔出。(Sorry，慣咗口叫酒店，其實台灣嘅酒店係搵女人陪飲酒嘅地方，一般遊客入住嘅Hotel係叫飯店)



我哋訂咗三間房，三間都唔一樣。3組人, 3種房, 各有優劣, 各取所需，難以比較, 很聰明的做法...

朋友訂嘅豪華溫泉套房係喺主building旁邊嘅建築物，要經過好休雅嘅水池先入到去，好似去咗泰國resort咁。房間同湯池比例1:1，有冷熱兩個池交替浸，仲可以一邊泡湯一邊睇風景。(明明訂房果陣係話幫我地訂呢種, 結果去到間酒店先話無晒啦喎)


而我哋喺主building嗰兩間房，分佈喺唔同層數，酒店員工先帶我哋去睇二樓嘅房間，注意係冇電梯嘅，要揪住行李喼行樓梯。

二樓嘅和風溫泉套房一打開門就見到tatami，加埋日式和風湯屋，單人匹馬來的女性朋友好鍾意，就讓左俾佢。

我哋喺3樓景觀溫泉套房，簡直唔似一間溫泉酒店！





外面嘅景觀都唔錯。



個浴缸先至最令我surprise！咁樣浸溫泉都係第1次，好無Feel囉！不過咁都好，反正我都唔係太沉迷浸溫泉，間房乾淨先至最重要，呢間房完全滿足到我嘅要求。


烏來美人湯－弱鹼性碳酸泉，注滿白色浴缸內呈粉藍色，好美哦～


每層都有唔同設計特色嘅Common Area比大家係房外Gathering...


第二朝自助早餐供應嘅食物組合都幾奇怪，邊有人早餐食燒鵝㗎？


室內用餐區。


室外用餐區。


我都唔敢要求啲咩，求其填飽個肚就算啦。





酒店仲有大浴池，要咗tatami房既朋友係溫泉迷，佢食完早餐就即刻再去大浴池再浸多一轉，我哋就跟著車主上山再走一趟。

烏來奇遇記正在等著我地～


烏來 Spring Spa 溫泉山莊
地址：新北市 烏來區 新烏路五段66號
電話：+886 2 2661-6168
網址：www.springspa.com.tw

<<待續>>