【台北】我們這一家。復活大旅行。Day 2。士林官邸+大安森林公園

26 March 2016, Saturday

行程：士林官邸 → 大安森林公園 → 上引水產 → 寧夏夜市

雖然尋晚落雨，但係今日開始就好好天！

第二日嘅行程比較簡單，但就好攞命！因為我父母要朝早六點鐘起身食早餐，除左搭飛機，我係絕對唔會咁早起身！今朝起身只係得個軀殼冇靈魂，落到街根本就冇佢哋想食嘅早餐，講到好簡單咁，要件多士要杯鴛鴦就得，喂，呢度台灣呀大佬，點搵比你呀？行咗好大個圈，終於喺Green Kitchen門口停低，人哋都未開門。喺門口企喺度等佢開，平時熟口熟面嘅店員話廚師未返到，要九點半先返到，我話唔緊要，最緊要係杯咖啡！結果我哋就坐喺度嘆咖啡嘆咗半個鐘，然後一份brunch三個人share。


A隊同C隊較啱時間殺到，行去家樂福掃貨途中，成班人失控咁走曬去買彩劵，我都係第一次買，得C隊隊長一個中獎，但只係中返個成本。


經過藥妝店同埋Mister Donut，又要停一停，大嘅呢邊掃藥妝，細嘅果邊食冬甩，兩邊都笑逐顏開...

黑洞DNA係會遺傳的... 聽講佢地啱啱先係酒店食完早餐Buffet...


最後終於到達家樂福掃貨，當然唔止咁少啦～



掃完去我住嘅宿舍參觀順便擺低佢哋啲戰利品，影返張360大合照，繼續出發！


1:00PM 蔣中正宋美齡士林官邸






2:00PM 午飯時間

返回捷運站途中，有一堆餐廳，大家意見不一，最後分成２隊。

奉勸大家2間都千萬不要試。第1間根本就係一間酒吧學人做埋日頭，全間店得１個店員，飲品又係佢沖，食物又係佢煮，我估開酒瓶佢就拿手，真的想煮菜給人客食的話還是多找幾個專業人士吧！
上飲品慢，上菜更慢。
飲品難飲，食物更難吃。



味道：★☆☆☆☆
環境：★★☆☆☆
服務：★★☆☆☆
衛生：★☆☆☆☆
抵食：★★☆☆☆

第二天堂
地址：台北市 士林區 中山北路五段505巷20號
電話：+886 2 2882-8256
網址：
第2間倉田日本料理，有人吹晒水講到有幾好食，結果騙到我，之後竟然專程去食，好後悔。想睇有幾後悔？去片→http://www.kenmerry.com/2016/06/KuRaDa.html

被浪費了不少時間，繼續前往捷運站，路邊攤的１０元８塊煨蕃薯比剛才的餐廳好吃多了。

然後C隊又跑到士林蔥抓餅排隊。

4:00PM 大安森林公園



話說QQ睇完旅遊書推薦，好想去大安森林公園踩Ubike，當然要安排一下啦。點知......

原來大安森林公園係唔比踩單車，本旅遊書根本就胡說八道！

好失望之餘，諗住係外圍踩都好，但係前面２個遊客企係Kiosk搞咗好耐都搞唔完，佢地無機會租車，只可以影咗當踩咗，慘！

之所以咁趕，係因為下一站先係全個旅程嘅亮點－－上引水產／煮海 La Mer！！！

刻不容緩，快快快，走～


人太多，願望太多，媽又行得慢，行程定好咗餐廳訂好咗好難改，沒辦法只好走馬看花。

正值假期又唔敢租車驚好塞車，只好大夥兒坐捷運，效率係低Ｄ～