台灣無復活節假期，絕對係港人遊玩最佳時機。今個Easter好熱鬧，有4批人同時來台北搵我地吃喝玩樂，有Honey的舊拍檔、Honey的弟弟、Honey來台北睇展覽的朋友ssss... 呢D都係小兒科...
要數最大堆頭的，是我一家９口殺過來台北玩喇，加埋我同Honey，總數１１人呢！
再加埋之前幾日又有幾組香港朋友過來玩，飲茶食飯當然唔少得，仲要為父母準備舒適的休息環境，真係人都癲！
昨天同Honey的拍檔飲完下午茶，今日又同佢爸打一家三口食午餐，下午就要迎接... 嚴峻的挑戰！
大隊班機原定中午起飛，卻遲了２０分鐘，加上呢幾日勁多人入境，Ａ隊４點正先上到接機嘅車，先去酒店同Ｃ隊會合，然後父母就來我Ｂ隊宿舍會合，睇一睇錶，已經５點幾，訂咗餐廳６點半。
ＡＢＣ隊，Hurry UP!!!!!!
Ａ隊睇咗阿「阮覓雪」(無錯別字，明嘅就知講邊個)介紹台北飲飲食食嘅節目，點名要食「甕也燒肉」，我當然不敢Say NO，亦不敢怠慢，一早打電話去訂好位。
想不到...... 要吃「黑面」！是我在台灣的第一次！亦是令我從此不想再到任何「專做遊客」生意的餐廳進餐的轉捩點。
到此一遊，識得影一定係咁影。見到嗎？下著雨耶。
大大大合照！ＱＱ慘慘豬，要趕返香港考試再趕返過來，無份食。
志在樣樣都試吓，３個Set都Order晒，再加散叫。
負責我地張枱個女仔全晚黑面，初時以為人地份人嚴肅Ｄ啫，點知原來唔係，佢只係對我地黑面，行返去廚房對住其他職員時笑到見牙唔見眼，嘿，我呢一刻內心果團火真係燒到！但闔家都係度開開心心食緊野，唔想掃大家興，我忍，扮睇唔到。
個女仔到尾聲時終於按捺不住開口問我地點解食咁少，我答我地食完呢餐仲要去夜市，佢就即刻話唔怪得啦～
後尾傾返，先知我阿爸都見到個女仔成晚黑面，只係唔想掃大家興扮睇唔到。我真係好Dislike個女仔，我們這一家復活大旅行第一餐就比佢破壞晒Ｄ氣氛。
人多混亂，無辦法紀錄Order過D咩幾多錢，只記得埋單唔平得過胡同，人地服務好好多，食物又好好多，我絕對絕對絕對唔會再幫襯甕也燒肉，我絕對絕對絕對會同每一個來台北玩的朋友提起呢個不愉快經歷。
２
３
枱太長，食物好難影得晒，有Ｄ食完又加單，再加埋飲品，所以大家千祈唔好誤會我地只係食咗咁少野。
飯後大家都想等埋ＱＱ先一齊去夜市，走咗去台北車站京站食雪糕，邊食邊等。
可惜Flight Delay加上勁多人排隊過關，ＱＱ要夜晚１２點先返到酒店附近，所以Ｂ隊先行坐Taxi離開，ＡＣ隊返酒店附近邊等ＱＱ邊再宵夜。聽聞仲按埋腳。
真心覺得佢地好勁，仲食得落宵夜，我地果然成家都係黑洞。聽聞呢餐埋單１００蚊港幣。
味道：★★★☆☆
環境：★★★☆☆
服務：★★☆☆☆
衛生：★★★★☆
抵食：★★★☆☆
甕也燒肉 Ownya Yakiniku
地址：台北市 大安區 光復南路260巷45號
電話：+886 2 2775-1765
網址：www.ownya.com.tw
沒有留言:
張貼留言