來到台灣最驚喜的事情，莫過於宿舍範圍已經有十幾株櫻花樹。
香港人以前要睇櫻花，就只知道要去日本。我對台灣嘅認識唔深，唔係喺度住都真係唔知道呢度到處都係櫻花。櫻花盛放時，真心覺得台灣人好幸福。
更驚喜嘅係，發現宿舍附近有條磺溪彩虹健康步道，可以由捷運芝山站一直行到天母西路，步道兩旁種滿了櫻花樹，櫻花由三月初開始一直盛放至四月初，簡直係一步一驚喜，越影越開心。今年呢兩個月天氣好好，溫度好適中，每日都心思思走去行，大大話話都行咗十幾廿次。
一來一回行親都超過六千步以上，非常健康。
每次行完都會去嘆返碗無加冰加水的綠豆薏仁真係好好味，冰涼透心，悶氣全消。
綠豆薏仁嗰條街向前行入去就係士東市場，最廣為人知嘅阿吉師就係入面。再向前行少少係高島屋，絕對唔需要擔心行到腳軟又肚餓會無補給嘅問題。
24/02/2016
01/03/2016
龜龜好識嘆... 一邊泡溫泉水一邊賞櫻...
02/03/2016
小白鷺呀)))
小學校門都種了好多櫻花, 係度返學好幸福呀!!!
每次路過都必吃的...
03/03/2016
之後的連場大雨, 維持了接近1個月, 上演一幕又一幕的辣手摧花, 到了3月尾, 山上山下的櫻花都被盡毀, 難得的家族大旅行, 一心來賞櫻的妹妹撲空撲個正著...
03/04/2016
家人回港後, 太陽伯伯發功了好幾天, 櫻花又回春了... 近在咫尺... 就在宿舍對面... 唉... 我的妹妹...
吃個德式午餐, 又跑到磺溪彩虹健康步道...
遇上最巨大的這一棵櫻花正盛放著... 希望今年颱風們能高抬貴手, 放佢一條生路...
05/04/2016
天氣好, 再來... 宿舍對面馬路, 哈哈...
每一次見到櫻花都好開心, 下年一定要再來台灣賞櫻!!!
沒有留言:
張貼留言