話說... 我今個月去咗西門町果頭上堂...Honey送咗我去課室之後, 就係附近四圍逛等放Lunch...
咁又比佢行行吓行咗去西本願寺廣場, 發掘咗個新景點出來... 好叻叻呀!!!
佢話有個阿姨好努力介紹附近一帶古蹟, 更極力推薦「剝皮寮歷史街區」, 叫佢一定要去睇下咁話喎... (呢個我地會係下一篇Blog介紹, 而家講返餐Brunch先)
Honey話見到西本願寺廣場有間好靚嘅餐廳有Brunch食...
去西門町上咩堂?!! 咳... 就係「日本認證。珠寶黏土師資課程」... 課程比想像中艱苦... 難怪旁邊的興趣班導師(過來人)都搭棚話：每一個學呢個課程嘅人都會哀號... 嘿, 你啱!!!
一塊餅乾，重複做了超過100次都失敗，不想放棄，終於係尋晚零晨3點，做出1塊自覺有80分的(技巧上)。作品將於月底寄到日本評審... 趁呢幾日空檔(等Air Dry), Honey帶得出來散散心又散散步...
一轉眼, 來到西本願寺廣場... 鐘樓是1912年竣工的日式建築群之一...
日本傳統住宅現為八拾捌茶輪番所... 嘩嘩嘩))) 好日式呀!!! 返咗古代咁呀!!! 呢度究竟係咪真係西門町o黎o架?!!
近餐廳入口嘅用餐區係有枱櫈果種... 要除鞋先可以行上後面「席地而坐」嘅用餐區...
原來今日無Brunch供應... (假期才有早午餐)
一場來到, 都飲返杯茶先走啦~~~ 咕嚕咕嚕~~~ (而家係1:30PM, 好肚餓, 個肚打鼓中)
餐牌有非常詳盡的介紹... 包括西本願寺輪番所的故事... 泡茶的方式... 碗泡Step-by-step...
店員妹妹認真講解，笑臉可人...
店員妹妹：碗泡是茶農試茶檢驗茶質的方式，由於台灣水清晰見底，碗泡可觀察著全片茶葉展開，品嚐香、甘、純的變化。
一絲不苟的講解+全程從旁指導... 由暖碗、倒水、加茶葉、加水至8分滿、用茶匙背聞香氣(待綠茶涼後可聞到甜味)、茶匙臼茶落小杯享用...
臼茶要輕力一點哦... 別傷害到茶葉喔...
第一次飲香氣...
第二次含10秒...
第三次立即吞... 有餘甘即為好茶...
貴妃蜜香烏龍 NT$260
白毫綠茶 NT$260
2:30PM都未食午飯... 叫D糕點送下茶都唔過分啫... (店員妹妹話要飲晒茶先好食點心, 唔係會影響茶味)
和風茶點拼盤 NT$220
台式點心拼盤 NT$220
席間不停Refill熱水, 整壺Replace, 對品茗的堅持及認真的態度實在讓人敬佩...
古典日式建築，裡裡外外瀰漫著濃濃和風，清幽的環境，品茗其中，洗滌塵囂心靈。這... 真是你認識的西門町嗎？
軟硬俱備，歷史建築crossover傳統茶道，實至名歸的「真。保育」...
味道：★★★★☆
環境：★★★★★
服務：★★★★★
衛生：★★★★★
抵食：★★★☆☆
八拾捌茶輪番所
地址：台北市 萬華區 中華路一段174號
電話：+886 2 2312-0845
網址：www.eightyeightea.com
沒有留言:
張貼留言