話說... 經過連日暴風雨, 天公終於造美, 我地亦想避開公眾假期的人潮, 所以提早1天去賞「5月雪」桐花!!!
又話說... 我地原本係打算坐高鐵去新竹賞桐的... 但無車牌的關係, 台灣的朋友推薦我地到“賞花蠻方便的”新北土城...
就係咁... 我地就坐捷運來到新北土城桐花節...
原定計劃是坐公車的... 眼見公車站好多人等緊, 又想去食個午飯先, 驚趕頭趕命回來卻上不到車, 所以係附近食個便飯就坐Taxi輕輕鬆鬆上山Lu~~~ (炒飯好難食, 呢間泰之雲天母區都有, 食過1次就無再幫襯)
來到承天禪寺, 人潮不多...
飲恨的是... 整個山頭, 一D白色都無... 又話5月雪?!! D雪去晒邊呀?!!
承天禪寺大興土木中... 看來是起一條新橋...
明天是佛誕, 各人正為浴佛儀式忙得團團轉...
離開承天禪寺, 打算沿山路步行到公車站... 卻遇上黑色巨型蜂... 不是普通的大, 而是超大!!! 應該比手指尾還要大!!!
還不斷擋我的路, 我走去邊佢又飛去邊... 我嚇得慌亂起來, 在馬路上跑來跑去... (注意 : 沒有行人路, 只有2條來回行車線, 卻有貨車違泊, 只剩1條行車線雙向行駛)
情況危急... 碰巧有Taxi路過, 跳了上車, 跟Taxi司機說要去桐花公園...
計程車司機大哥說：沒有桐花，政府騙人來的！！！你要相信我... (難道他看得出我半信半疑?!!)
我堅持想到桐花公園走走, 就算沒有桐花都好...
司機大哥立刻停車說不收我錢... (司機大哥真是大好人)
但這條路有點不對勁... 剛才坐Taxi上山時見到的桐花公園大牌坊應該在半山, 現在已經身處山頂, 仲向上行?!! 不對勁... 不對勁... 十萬個不對勁...
強烈反抗下... 終於轉向下行... 加上有一群中學生往同一方向走, 感覺更對勁...
走著走著, 沒想到會到達螢火蟲的家...
不斷下山, 完全沒有行人道, 有些彎位真是驚險萬分, 如果有大車經過, 我地升得仙...
終於見到有餐廳, 決定稍為休息一下, 補充體力再出發... 結帳時跟鹿鶴園老闆訴苦, 老闆話上星期下大雨所有桐花被打落... OH... 好想哭... 點解我會咁命苦... 老闆知我地見唔到桐花, 就用佢部智能電話SHOW下上星期佢影的桐花相比我地睇... (老闆真是超好人)
再往山下走... 嘩嘩嘩!!! 豪宅呀!!! 南天母區?!! 我地都係天母幫喎, 哈哈哈...
再往山下走... 終於去到剛才坐Taxi上山時見到的桐花公園牌坊... Yeah!!! 原來呢條就係廣欽紀念步道, 剛才在承天禪寺亦見到此步道的指示牌... 即係話沿住呢條步道可直達承天禪寺... OH NO!!! 我地走咗冤枉路呀!!! 差D被車車C...
時候不早, 太陽快下山, 不宜再往山上走... 我地去牌坊對面的公車站等公車...
騙人的公車，上落方向都未見過影... (我地沿車道行落山行咗好耐都未見過一架公車)
不知何故, 難得出現的Taxi都全部拒載!!! 為什麼?!! (是因為背後佈滿整個山頭的墳地嗎?!!)
路過的綿羊仔都在眼望望, 更自覺可憐... 太陽快下山了... 我真係好驚呀, 嗚哇))))))
絕望時, 非常幸運地, 有1架Taxi車頭載著1位C9的1, 肯停車問我地去邊, 知道我地要去最近的捷運站後, 就叫我地上車, C9話照起錶... (咁當然啦, 我猛點頭點到個頭就甩)
係鹿鶴園嘆茶期間, 忽然醒覺... 今日係... 全年唯一一日13號黑色星期五!!! (將今天的可憐事打入智能電話方便寫Blog時Recall Memory, 打字到一半，手機都自boot, boot機後2行字都不見了要重打)
鄭臭四腔：好邪呀!!! (好恐怖)
回航時才知道, 今天下午曾經發生地震導致捷運停航。(昨天早上搖得很晃呀，第一次遇上國家級警報PWS)
雖然頭頭碰著黑, 但向好果方面諗... 幸好今天藍天白雲, 當行山運動一下還是不錯。
### 客家桐花小檔案 ###
http://tung.hakka.gov.tw/Mobile/FlowerInfoDetail.aspx?level=0000752&sno=0005875
政府讓民眾查看桐花開花程度的網站... 聽朋友說基隆好像還有花...
最可怕的是... 政府網站無土城!!! 司機大哥, 你泄露天機呀!!! 小心23條呀!!!
沒有留言:
張貼留言