年廿五出城, 買完聖保羅Q餅, 食完等於無食過的暖暖食飲, 行埋不被續約的24小時不打烊誠品敦南店, 心野人懶理綿綿細雨, 繼續在大安區遊蕩...
未夠6點, 路過呢間餐廳, 裝修好吸引, 好有原野氣息, 好想入去呀... (下午3時才食第1餐又如何)
餐廳入口的園林擺設好有日式庭園Feel... 好最鐘意呢一Part...
餐廳內都是走很RAW的路線... 置身其中, 好舒服...
主菜加NT$120可Upgrade做套餐, 有五彩鮮蔬沙拉、小菜、甜點、餐後飲品 (鳳梨酵素/梅子酵素/咖啡)... 見都幾抵咁, 考慮到過幾日D餐廳閂晒門應該無啖好食, 點了2個主菜Upgrade埋做套餐...
餐廳標榜嚴選當令在地新鮮食材, 少油少鹽, 色彩繽紛的蔬菜... 所言非虛... 前菜同沙律都好新鮮, 好味...
原來仲有湯, 好簡單但好清甜...
味噌松板肉 NT$260
-- 嘩... 好靚呀!!! 松板肉包住蒜芯同紅蘿蔔吃, 軟中帶脆, 清淡得來好吃... 讚!!!
呆呆的我, 慶幸自己係食肉獸, 不消數分鐘幹掉松板豬後, 才駭然發現色彩繽紛的蔬菜竟堆砌出鯉躍龍門之景象... 好... 利... 害... 呀!!! 重點係... 食肉獸表示D菜好清甜好好味呀...
山藥花菇烏雞鍋 NT$340
-- Honey, 你好似補咗少少喎, 哈哈...
嘩, 材料好豐富, 仲有好有益的紫山藥... 味道不算太濃, 還不錯...
主菜份量咁足, 仲要整2個飯來... 用包粽的竹葉來包住10穀米, 好可愛, 健康又有型... 看來店家真係花了不少心思在擺盤方面...
餐後飲品選了鳳梨酵素&梅子酵素, 2杯都好好飲, 酸酸地好消滯... 跟酵素仲送咗2塊曲奇, 都好好味... 坐坐下又送多2個甜品, 真係飽到上心口...
E3係香港食緊團年飯, 我地隔空互send食物相片, Cheers!!! 今晚就好似E4一齊食團年飯咁, 我心裡感到甜絲絲, 儘管相隔多遠, 心仍是連結在一起, 多謝Whatsapp...
餐廳好新, 新到連Google Map都未有Record... 想Save都Save唔到...
落雨+閒日+新開=無咩人... 全晚得3-4枱客... 店內播放著Angel Queen, 餐廳的Relax程度令我都不害羞旁若無人低聲跟著唱, 哈哈, 獻醜啦...
店員好可愛... 內心... 初時見我國語聽唔明, 好努力同我講英文, 之後知道我係香港人之後又尖叫+掩面傻笑咗一輪"原來是香港人呀"... 我估係估錯咗以為我只識英文唔識中文吧... 哈哈...
今餐真係好正, 又健康, 又美味, 又抵食... 推薦!!!
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
健康樂食 手作輕食料理
地址：台北市 大安區 仁愛路四段345巷4弄8號1樓
電話：+886 2 8773-4164
網址：www.facebook.com/%E5%81%A5%E5%BA%B7%E6%A8%82%E9%A3%9F-%E6%89%8B%E4%BD%9C%E8%BC%95%E9%A3%9F%E6%96%99%E7%90%86-209355362730213
沒有留言:
張貼留言