台灣有一個好神奇的特色，就係店舖Crossover都很平常似的。小吃店x電腦店... 我見過，我真係見過。
今天來個雞蛋仔x護齒產品，小Case啦~~~
大年初四，4點食完個炸豬排Late Lunch，就出發前往北門來個歷史見證。
出開城，當然要搵好o野食啦。
搵好o野食，當然要去大安區啦。
長假期關係，到處都大排長龍！心儀的食店一位難求。
行行下，咦？雞蛋仔？香港人先會咁叫喎，台灣人叫呢d做雞蛋糕喎...
D親切感BaBa聲湧出來，雖然估計唔會好食得去邊, 但唔顧得咁多，入去解一解鄉愁先。
坐低咗週圍望... 咦?!! 個Stand咁奇怪嘅?!! 原來店內除咗賣輕食外，仲有好多護齒產品賣喎...
店內供應3款Egg Waffle, 講明香港雞蛋仔...
白玉宇治金時 NT$240
-- 雞蛋仔皮唔脆, 而且有裂紋, 味道方面還可以, 都預咗唔會好食得去邊, 無期望就無失望... 綠茶雪糕唔夠甘, 紅豆一般啦...
經典貝禮詩可可 NT$180
-- Baileys Cocoa... 唔睇英文真係唔識... 估唔到個拉花真係同餐牌一樣... Honey話都幾好飲...
有機草本白茶 NT$230
-- 馬鞭草 x 香蜂草 x 薄荷... 勁香草, 太強, 有點吃不消... (查實我接受能力好低, 勇於嘗試能力好高)
環境... 坐一陣都OK嘅, 唔係話可以坐幾粒鐘好Relax咁吹水果種...
服務... 不過不失啦...
價錢... 話實唔平囉, 但呢度係大安區, 無計...
味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★★☆☆
Visiro Café & Smile Beauty 複合式口腔美容咖啡概念店
地址：台北市 大安區 敦化南路一段177巷14號
電話：+886 2 2772-1862
網址：www.visirosmile.com
迴帶... 黃昏時分, 重見天日的北門!!!
早幾日行完年宵市場搵極都搵唔到的北門，呢幾日係北市府同工程人員努力下，終於得以重見。Yeah!!!
沒有留言:
張貼留言